دحيم الخياري×صياف الحربي

انقل لكم المحاوره بين الشاعرين المعروفين

صياف الحربي الله يرحمه ودحيم الخياري


دحيم الخياري



مرحبا في من حضر في حفل بني رشيد
بالطراقـي كلهـا كبارهـا وصغارهـا
جيت ياصياف طرقي وعاني من بعيـد
مرحبا بك والطراقي نحـب اخبارهـا


صياف:



بارك الله فيك ياراعي البيت الجديـد
من رجال(ن) بالشرف كملت مشوارها
اجتمعنا ليل جمعه وبكره يـوم عيـد
ياعساها معرفـه ماتبيـح اسرارهـا



دحيم:


بيتنا معمـور والنـاس للخالـق عبيـد
في جنوب الارض ويمينهـا ويسارهـا
مانزل سوق الذهب غير تاجر له رصيد
اشترا وابتاع بالسـوق مـع تجارهـا


[صياف

المجالـس عامـره بالسوالـف والقصيـد
ماتزيـن الملعبـه غيـر مـن شعارهـا
انت عندك خمس حاجات ماأدري وش تريد
مـار دور وحـده جاهـزه واختـارهـا




دحيم:



السوالف بين عنتر وبين ابن الوليد
طايره ركابهـا تنظـر لطيارهـا
مانبا إلا الطيبه وأهل الراي السديد
والله أنه يكفي الناس شر اشرارها




صياف:



دق زير المعركة عند هارون الرشيد
مار قل للزمل ترتاح فوق ازوارهـا
البدو راحم حضر لانزول ولا شديد
مزرعه خضرا وفله طويل اجدارها


دحيم:


الجمال امعقله والقياد من الحديـد
يالسحيمي عقلها تنصح من اوبارها
العباد تريـد والله يفعـل مايريـد
أهل الطوله على العز شبت نارها



صياف:




البنـادم يعبـد الله شقـي ولاّ سعيـد
من عرف مدخال بقعا عرف مضهارها
كلمة العاقل ثقيلـه ماتنقـص ماتزيـد
وارضكم تحت المطر مايطير اغبارها





دحيم:




من يعبد لخالقه فاز في يوم الوعيـد
والله اللي يعلـم إسلامهـا وكفارهـا
يالسحيمي خوذ من راسي العلم الاكيد
ماوقف دون المدينه ياكود انصارهـا

بيض الله وجهك على نقل هذه المحاوره
ولك جزيل الشكر مني

بيض الله وجهك على نقل هذه المحاوره

	المشاركة الأصلية كتبت بواسطة صـــالـــح الـــرشـــيـدي بيض الله وجهك على نقل هذه المحاوره

وجزيل الشكر منى

مشكور على الطر ح

محاورة

قوية

بين عملاقين

تحيتيييييييييييي

مشكوووووورعلى المحاوره



والله يعطيك الف عافيه وتسلم يمناكـ



دمت بحفظ الرحمن ...


>>الـــريـــم<<

محاوره جميله

--------------------------------------------------------------------------------

يعطيك العافيه على النقل

محاوره رائعه

مشكرين على الرد

ولاهنت