صوره لراعي الصفراء الفارس الشيخ محمد بن عجوين رحمه الله

السلام عليكم ورحمة الله وبركاته

اخواني اعضاء هذا الصرح الشامخ حبيت اضع بين ايديكم صوره لفارس من فرسان قبيله بني رشيد فارس لا يختلف على فروسيته اثنين اشتهر بالكرم والسخاء فارس رغم مرور وقت طويل على وفاته رحمه الله لا زال ذكره موجود الى الان

هو الفارس الشيخ محمد بن عجوين رحمه الله شيخ فخذ العجاونه من بني رشيد

وهذه بعض القصائد اللتي قيلت فيه رحمه الله

وقعت معركه على تسعة رجال من ذوي عجوين بقيادة الفارسين المعروفين الشيخ محمد بن عجوين والشيخ مناور بن عياده بن عجوين
مع الجعافره من عنزه فيقول شاعر العنوز يصف المعركة بعد أن تم أسره ويقول:

كونن جرى شين على اللي يعده === ياليت ماجرى علينـا ولاكـان
حنا طمعنا جيشهـم والأشـده === لاكان فكو جيشهم ذرف الايمان
لوكـان ردينـا ثلاثـيـن رده === مالله نصرنا واحمر الدم ميدان
أهل الركاب التسع مثل الأسده === ياليتهـم منـا ولاهـم بعـدوان
خليتنـي ياولـد عمـي بشـده === عيت عيونك لاتقديـك بحـلان
طيرك راعي الصفراء المستعده === يالله طلعتو فوق زرفات وسمان

*راعي الصفراء هو الفارس الشيخ محمد بن عجوين

كما قال في مدحه الشاعر: طالب بن الجويعان العنزي

ياعيال يا اللي على الثنتين === حطوا الجواعد على شدة
حطوا عليهن دلالن زيـن === والصبح ياما حلي المـدة
البيض ينصن ابن عجوين === تنصاه بيـض بـلا عـدة

يقول شاعر اخر من قصيدة طويلة يصور بها كرم فارسنا:-

يامسري القوم يامحمد === يومن ضوء القمر غابي
سارين لين الفجر عمـد === خمسة عشر يوم بحسابي

ويقول شاعر اخر في مدحه

ياراعي الصفراء الطليع المحلاة === يااللي منعت الكون والقوم عنـا

وتقبلوا تقديري واحترامي
اخوكم نايف العجوني

مشكور يالنايف على جهودك ونشاطك الواضح --الله يرحم ابو عتيق فقد كان مضرب المثل في الشجاعة والكرم--رحمه الله رحمة واسعه 0


اخوكم ابو عبد المجيد

الله يرحمه فارس بن عجوين من مشاهير العرب مشكور يانايف على هذه النبذه المختصره عن فارس من فرسان بني رشيد المشهورين

سوف يتم وضع بنر له باذن الله تعالي

اشكرك ابو عبد المجيد1 على هذا المرور

ابو يوسف تسلم على هذا المرور المشرف لي
وعلى هذا البنر

تسلم اخوي نايف على هذه النبذه التاريخيه ..

عن راعي الصفراء ابن عجوين من مشاهير العرب ..

وتقبل تحياتي ..

بدر البراك اشكرك على المرور

الله يرحمه
ويغفر له
والعجوين معروفين
ومن رجال القبيله الوافيين

تحيتييييييييييييييييييي

وعليكم السلام ورحمة الله وبركاته


رحم الله الشيخ محمد بن عجوين




وصح السان الشعار على الابيات الجـــــزلـــة

بدر البدر اشكرك على المرور