صوت لشاعر راشد بن جعيثن وصدى الشاعر مبارك بن شريان

صوت لشاعر القدير راشد بن جعيثن واعتذر عن عدم حفظ القصيدة كامله ولاكن منها حسب ماوصلني هذه الابيات
صوت ابن جعيثن

يالله أني دخيلك يامنجي الدخيل = من صلف حاجة يصغر مقامي بها
ليتني أموت واقف مثل موت النخيل= تنحني بس ماتاصل عراقيبها
حسبي الله على الحاجة ونعم الوكيل= أتعصى عصاها غصب ومشي بها

******** type="text/**********">doPoem(0)***********

صدى شاعر الجزالة الشاعر / مبارك بن شريان الشهراني

ياالله أني دخيلك يالقوي الجليل= كلمة الحق تنصرها وتقضيبها
ليتني أموت موتة هاشمياً أصيل= مبشراً بالجنان اللي يناديبها
هاضني راشد بصوته وقلبي عليل= ومن النار يدري عن مشاعيبها
آه يادموع عيني اللي فوق خدي تسيل= أفضحتني ولادري وش أسويبها
والله أني صبوراً مير طال الطويل= أتحرى السعادة يوم عهدي بها
والليالي تمر وكنها حلم ليل= أثر الايام تسرقني ولاأدريبها
راح مني الكثير ولابقى الا القليل= وراحت الفرصة اللي كان وديبها
القلوب الشقية شكلها بتستقيل= ألياضوىليلها كثرة هناديبها
كنها اعصون سدرٍللهبايب تميل= كل نودٍ يقربها ويقفيبها
كل يوماً وليلة بالمصايب تكيل= واتعبتني ونا أداري عواقبها
فان قضى الامر ياراشد عزمت الرحيل= ودام عيني تشوف الارض بمشيبها

******** type="text/**********">doPoem(0)***********

راشد ابن جعيثن شاعر خطير أليس هوالقائل:

طقوا ظلالي كل ماغبت طقوه=مقدين في ظل هزمكم لحاله

******** type="text/**********">doPoem(0)***********

شكرا ابو عبيد على هالتحف

يعطيك االعافيه ااخوي اابو عبيد عن نقل هذه االرواائع


من شاااعرين لهم مكاانتهم بشعر

السلام عليكم ورحمة الله وبركاته ..
أولا: يسعدني انضمامي لهذا الموقع المتميز ..
ثانيا: بالنسبة لقصيدة الشاعر راشد بن جعيثن ، فقد حصلت عليها كاملة منه مباشرة ، وهي بعنوانموت النخيل) ، وإليكموها:
يالله إني دخيلك يامنجي الدخيل=من صلف حاجةٍ يصغر مقامي بها.
ودي اموت واقف مثل موت النخيل=تنحني بس ما تاصل عراقيبها.
حسبي الله على الحاجة ونعم الوكيل=آتعصا عصاها غصب وأمشي بها.
آتجمل بناسٍ يجحدون الجميل=طيبة النفس رحت اليوم في غيبها.
بين راعي مكان وبين عابر سبيل=آه واشيب عيني آه واشيبها.
قمت أنا أشرف على روس المباني وأخيل=في بيوتٍ وشيم النود يومي بها.
ماتت الفزعة اللي في عيون البخيل=هرجة ماحزمها كيف يبدي بها.
الليالي بخلق الله تحط وتشيل=والعلل في مصافط بالغبا جيبها.
كان مالك خويٍ ينطح المستحيل=كلما شفت حاجة قول ماليبها.
فيه عذر لئيم وفيه عذر نبيل=وأنت شيخ المواقف كيف تقضي بها.

صح لسانك شاعر مبارك بن شريان الشهراني ، وصح لسان الشاعر راشد بن جعيثن ، فأنتما ساس الطيب ومنبعه ..