قصيدة بمناسبة مقناص الحدود الشماليه حفرالباطن

قصيدة بمناسبة مقناص الحدود الشماليه حفرالباطن

واهدي هذه القصيده الى شامخ فضي ابوبندر , فيصل سعد ابو رسيل

يا زين طرد القطا والارض قفريه

باقصى العلنداه وانته في خلاً خالي

من فوق جيبن وطرده من ورى الميه

حذف الحصى وسط عجه تقل زلزالي

عليه فيصل وابو بندر وطرقيه

وساعه السابعه عثنا بلجوالي

حطيتبه خمس من صنع البُلنديه

وحذفت انا غترتي والحقتها اعقالي

ومع طلعتي ابندقي يوم التفت ليّه

قال ارم قبل وصول الحزم والجالي

واول مطاريدنا عشرين كدريه

من غير شيّن صويب ولا تهيالي

وميلت في روضتن خضرا رومنسيه

متخالط انوارها الوان و اشكالي

وسويت فنجال من خولان بريه

تطرد عماس التعب في فنتقن خالي

وانا اشهد ان الوناسه علاج نفسيه

لو ما معك شي عدّك جامعن مالي

واخص فيها القلوب اللي هوويّه

اهل القنص متعبين الموتر الغالي

الشاعر/عايد مفضي العجوني الرشيدي ابو يوسف

يا زين طرد القطا والارض قفريه

باقصى العلنداه وانته في خلاً خالي

ويازين طرده قبل تاتيك دوريه ..... متوجهه من سماح بمسح الارسالي
ويازين روجه وشمس الطرد صبحيه....ويازين رمي البنلي وسط الاجوالي
"
"
:
,,,

مشاركه خفيفه ماودي اتعمق عشان ماحد يعرف الديره هههههه

موقع يحبه القلب صراحه بدون مجامله صح الله لسانك وبيض الله وجهك
انت ومن معك با الرحله

وفقك الله

طيب طيب
اول شي مرحبابك في موقعك موقع الجميع
ثاني شي صح الله السانك يابويوسف
ثالث شي لاتحرمنا من ابداعك

اقتباس:
المشاركة الأصلية كتبت بواسطة غازي البراك
طيب طيب
اول شي مرحبابك في موقعك موقع الجميع
ثاني شي صح الله السانك يابويوسف
ثالث شي لاتحرمنا من ابداعك

صح بدنك وانا نزلت هذه القصيده في الموقع هذا واعتبرالموقع موقعي لانك من الرجال الاوفياء التي لهم بصمة في الكرم والاخوه

تسلم يابو يوسف عزيز وغالي لاعدمناك

المليح لا يأتي إلاّ بالمليح
يسلم قلبك وصح لساااانك

صح السانك يابو يوسف قصيده معبره عن الرحله
تقبل مروري وتقديري لك ياعايد

صح السانك يابو يوسف قصيده معبره عن الرحله
تقبل مروري وتقديري لك ياعايد

صح لسانك ولاهنت على القصيده الاكثر من رائعه وحياك بين اخوانك ونتمنى ماتحرمنا من جديدك
تقبل مروري واحترامي دمت بود

صح السانك
يامبدع