السلام عليكم ورحمة الله وبركاته
اية الأعضاء والزوار الكرام أحييكم بهذا الصرح الشامخ وكما وعدناكم
بجديدنا من الشعر يسرني ويسعدني أن أضعه بموقع الجميع وأتمنى أن ينال على أعجابكم
الا ياكثر ماب السوق من خاسر ومن ربحان=ولا ياكثر ماب السوق يابطلان جلابه
انا مااقول ذا مخطي ولا ابقول ذاغلطان =ولا ابقول ياذيب الخلا سرحان وش جابه
حسب ظني صعدتم للقمر مع عالم الرهبان=وبعد ماجيت في ذاك الفضا وش شفت بترابه
بنيت البيت بالمريخ واسسته بلا عمدان=وانا اقول الاساس اللي بنيته ما انفتح بابه
قبل لا تبني جدار البناء شيك علي البنيان=يجيك السيل من حدرالاساس ويشلع اطنابه
توقع لا تنفقع منت لا صاحي ولا مرضان=نبي نعطيك سام اثنين ما يخطيك مضرابه
ترى من له حيله يبي يحتال ياحيلان=وانا سبع الي شفت الثعالب تقرب الغابه
قبل لا تعرض السلعه قبل لا تدخل الميدان=يعرف السوق تجاره ويضيع اللي تهقوابه
ترى قبلك خسر غيرك لونك تعرف الندمان=ولا تدخل يدك بالجحر ثم يقرصك دابه
أحد يشرب من الدله واحد يقلط مع الضيفان=واحد جاه الجزاء والذيب تكره شوفه انيابه
عرفنا اسهيل من نجم الجدي والعلم توه بان=تبي تبرك ليا شفته ان كان الحق ترضابه
ترى من يدخل الكعبه بعد يحرم من الدخان=وانا ابحرمك من ورد القليب اللي وردنابه
حسبنا الورد وايضا الصدر ةاعتذنا من الشيطان= تركنا السانيه فوق الجمل يقبل ويقفابه
قفلنا القيد في سجله وبينا للملا عنوان=مثل ماقيل كل دون حقه نوخ اركابه
لا ياطير ياطير الندم ياطير ابن برمان=تبي تصيد لكن صادك اللي رز منسابه
******** type="text/**********">doPoem(0)***********