الشاعر ابو صووط. ورد المعزب
اسعدالله صباحك يابوصالح بخير=
عد ماتشرق الشمس ويبين الصباح
يارفيق العمر يوم العرب والبعير=
يوم الايام صعبه والنوايا صحاح
فيك ميزه عن الا صحاب والطبع غير=
بالوفا والصراحه لابسلك وشاح
وفيك ميزه صغيره كبر حب الشعير=
مثل ريشه ثقيله بين ريش الجناح
لانطحك الهوا ماتساعدك للمطير=
ودك اتصد ماتنطح هبوب الرياح
ويش عذرك لعنتر وابو صووط الامير=
وابو فايز وخاتم رئيس الانفتاح
ومدار وفلك وشلاش للحرب زير=
وعايد الفين والبيطار راع الرماح
وابن عجوين وسعود ابو موسى الخطير=
وكاتب وكايد الشعار سماً ذحاح
وغيرهم لانشدت اعطيك سيفن شطير=
وش مقعدك مع قومن بليا سلاح
جاوب وعطني علومك بجدول مسير=
مانبي يالمعزب غير جابت صلاح
انت شاعر وتعنيني وتعن الكثير=
مابقا الا انت وحدك ماتحقق نجاح
وسلامتكم
الشاعر ابو صووط
رد. المعزب
مرحبا ياخوي المدهنه والمضير=
بالليال الغنيه والليال الشحاح
احتسيتك سلاحاً بالنهار الكبير=
يوم يطلع مع الشدات دور السلاح
ماحسبنه عليك يهج صوت الصفير=
كيف لاثار عج المعركه والصياح
بين حنة بعير المعرفه والهدير=
مدة الجود مع صيد الصقور المباح
شنة الشاوي الي تحت جال الغدير=
مانضح من لهيب القيض ماها القراح
غرزة المخيط الي فيه سلك الحرير=
(الصباحي رشيدي والرشيدي صباح)
مانلوم العذول الي خذيته شوير=
يوم خليتله يمك طريقه متاح
شرهتي تلحق الي قلتهم يالامير=
كان وصلتهم مسعاي قبل المراح
يابوسامي ترا عمر المجامل قصير=
ماكسب من يجامل في حياته فلاح
والا انا بشرك مرتاح منها الضمير=
يابوصوط المعزب من ماقلت استراح
******** type="text/**********">doPoem(0)***********