رد الشاعرعبدالرحمن خضير على نايف عبدالكريم

السلام عليكم ورحمة الله وبركاته

هذه القصيده وجها الشاعر نايف عبدالكريم إلى الشاعر عبدالرحمن خضير

يقول نايف عقـب ماهـزه الشـوق=من ديرة الخوبه عساهـا الزوالـي


القلب من فرقى المحبيـن محـروق=حتى النظر غيب عنـه كـل غالـي


لو مالوطن غالي وله عندي حقـوق=اني ما افارق من ملـك كـل حالـي


في غربتي شمس السعد مالها شروق=بانت بعيني حـزن مثـل الظلالـي


اشكي وكني من غثاء الوقت مخنوق=والقلب في همـه ولا هـو بسالـي


هاذي يابو متعب علومي بها شـوق=الله يسهـل لـي دروب الوصـالـي

******** type="text/**********">doPoem(0)***********

رد الشاعر الكبير / عبدالرحمن خضير

يقول ابومتعب علـى كـل طـاروق=حييت يامرسـول وافـي الخصالـي


يلي مـن الخوبـه تخيلـك ابـروق=برض الجنوب ولا انت حول الشمالي


تلعبـك الافكـار وتسـج وتــوق=ولا حولـك الا نايفـات الجبـالـي


لابد من نصرن من المعتلـي فـوق=وتعـود يـم ديـار زيـن الدلالـي


والصبر زين وكل مطـرود ملحـوق=مضرب مثل قالـوه قبلـي وتالـي


والله يحفظك من هل الغدر والبـوق=وتعود يانايف يـا ملفـى الرجالـي

******** type="text/**********">doPoem(0)***********

صح لسان الشاعر نايف عبدالكريم
والشاعرعبدالرحمن خضير
ولاهنت اخوي سعود على
النقل يعطيك الف عافية
بنتاظر الاجمل منك

صوت رائع من موقع الحدث
وصدى اروع من ابو متعب
صح الله السان الشعراء
والف شكر لك يا سعود لاتحرمنا من تواجدك لاعدمناك

صوت رائع من موقع الحدث
وصدى اروع من ابو متعب
صح الله السان الشعراء
والف شكر لك يا سعودالرويضي
تقبل مروري

صح السانك من موقع الحدث وصح السان الشاعر عبدالرحمن خضير ،،،،،
والله يحميك من الاحداث وننتظر الجديد وتقبل مروري....................

نقل مميز ياسعود والشاعرين مبدعين

مشكورين على مروركم الرائع