يا صغير السن قدرك طاحت أبراجه
الجرح خلى الصخر ينطق ونطقـني
خلاص.. ما عاد تعني لي ولا حاجـه
رح .. جعل ربي يوفقك ويوفقنـــــي
من بعد ما كنت نور العمر وسراـجه
اليوم صرت الظلام اللي يطوقنـــــي
عطيـــتك اكثر من اللي تحــتاجــــــه
أسرفت فـ(الحب) ..لين الحب وهقني
خلاص..مالي ومال الدروب اللي تضايقـني
تـــعبت اضـــم البــــحر واهدي امواجـــــــه
تـــعبت اجـــــامل واشوف الوقت يسرقنــي
شكواي لــــــ(اللي) عليـــه الضيق وافرجـه
الـــــلي اذا شاء .. يرحمني ويرزقـــــني
اما أنت ياابوجبـــــين عقد حجــــاجــــــــــه
لا عاد تسأل: "علامــــ،ك منت طايقنـــــي"
الناس كل علــــــى دربه ومنهــــــاجـــــــــه
وانا عن الناس ما بــــه شي يفــــــرقنـــــي
الا اني دايـــم احب الصــــــدق واواجـــــــه
مخلــوق .. والله على هــ (الوضع) خالقني
حتـــى رفيقي ضماد القـــــــلب وعلاجـــــه
على كثر ما اتمسك فيــــــــه.. صدقــــــني
لو ادري انه مرافقنــــــــي علـــى حـــــاجه
لـ(امسكــه ) حاجتــــه واقول :"فارقني"
الشاعر/ فهد المساعد
حاصل على ترخيص من وزارة الثقافه والاعلام السعودي
خلاص….؟؟يا صغير السن قدرك طاحت أبراجه
رد: خلاص….؟؟يا صغير السن قدرك طاحت أبراجه
رد: خلاص….؟؟يا صغير السن قدرك طاحت أبراجه
العرض العادي
