قصايد المبدع الاميربدربن عبد المحسن

يا صاحبي ..
ما في الهوى راحه ..
احذر تبيع القلب .. لجراحه ..
مسكين .. من قال الهوى جنه ..
يومين .. ويغير هواه ظنه ..
ويقول.. ما في الهوى راحه .. يا صاحبي ..
بحر العيون .. خذنا معاه مشوار ..
موجه غدى بينا ..
بحر العيون .. لا توهق البحار ..
يبعد عن المينا ..
ويا صاحبي .. ما في الهوى راحه ..
عمر الزمان .. ما لوع المشتاق ..
والله الزمن مظلوم ..
كيف الحنان.. يقسي على العشاق ..
صار الضنى مقسوم ..
ويا صاحبي .. ما في الهوى راحه ..

هم ..
يافؤادي هم ..
بالوتر بالشادي
بالزهر ..بالوادي
هم..
يامساالحب ..ياالدنيا.. يامسا الحب
ليلنا حب.. ياالدنيا .. ليلنا حب
لبست الضي الشوارع .. والدروب
والمباني .. شامه في خد الغروب
والمدنيه..غادةٍ .. حسنا..لعوب
هم .. يافؤادي هم
اعطني زهره..وانا ابيع الظلام..
واشتري للحرب ... سربٍ من الحمام ..
من يعيش فـ حب .. بيموت بسلام..
وهم ..يافؤادي هم

ماأبيـــه

عذبيه.. إسعديه..
داوي قلبي واجرحيه ..
واللي ما مثله ابد .. مثلي ما حبك احد
ولو رضي قلبي بغيرك..
ما أبيه .. ما أبيه

تملكيني لوبـ غيتي .. تملكيني لو رفضتي
تسحريني لو حكيتي .. تسحريني لو سكتي
أنا نجمه في مدار ك ..
ضي عيني من نهارك ..
وانتي قلبي واللي فيه
لو رضي قلبي بغيرك ما أبيه..

انتي اغلى من هجرني .. وانتي اجمل من يغيب ..
والله لو بعدك قهرني .. ما أبي غيرك حبيب ..
سافري والقلب دارك ..
راضي بـ ثلجك ونارك ..
حبي قلبي واكرهيه ..
لو رضي قلبي بغيرك.. ما أبيه

أنا أحبك لا تخافي .. الا قلبك لو هواني ..
هذا ضعفي واعترافي .. بس ما ارضى هواني ..
ابعدي هذا قرارك ...
ماني سجنك أو حصارك ...
روحي سوِّى اللي تبيه ...
لو رضي قلبي بغيرك .. ما أبيه
واللي ما مثله أبد .. مثلي ماحبك احد

لا تعاتب ..
ما اقدر أتحملك عتابك ..
قلبي ذايب ..
وانت تشكي لي عذابك ..
بس لو تسأل عيوني ..
راح تبين لك شجوني ..
لو أغير يوم حياتي ..
عن هواكم ما تغير ..
إنت أغلى ذكرياتي ..
انت غيرك ما اتخير ..
بس لو تسأل عيوني ..
راح تبين لك شجوني ..
لا تعاتب .. لا تعاتب ..
نور حياتي في رضاك ..
والسعاده كلمه منك ..
شوف هنايا في هواك ..
لما نلتوا بحسن ظنك ..
بس لو تسأل عيوني ..
راح تبين لك شجوني ..
لا تعاتب لا تعاتب

صوتك يناديني ..
تذكــــر .. الحلم الصغير ..
وجدار من طين وحصير …
وقمره ورى الليل الضرير ..
عند الغدير ..
وإن هبت النسمة تكــــسر ..
تذكر ..
جيتي من النسيان ..
ومن كل الزمان اللي مضى واللي تغير .. تذكـــــر .. صوتك يناديني .. يناديني .. تذكـــــر …… ناديت وخانتني السنين اللي مضت راحت .. ناديت ماكن السنين اللي مضت راحت .. كنا افترقنا ..
البارحة ..
والبارحة صارت عمر ..
ليلة ابد عيّت تمر ……
يا جمرة الشوق الخفي .. نسيت أنا وجرحك وفي .. أشتقت للحلم الصغير .. وجدار من طين وحصير .. وقمره ورى الليل الضرير ..
عند الغدير ..
ان هبت النسمه ..
تكســــر ..
ريانة العود ..
نادي الليالي تعود ..
بشوق الامل بوعود ..

بوجهي اللي ضيعته زمان ..
في عيونك السود ..
يالبسمة العذبة .. عند الصبر .. كــذبة .. وفيكي العمر موعــــود ..
أتذكر الحلم الصغير .. وجدار من طين وحصير .. وقمره ورى الليل الضرير .. عند الغدير .. وإن هبت النسمة تكســــــر

إلا الهوى

ابعتذر .. عن كل شئ ..
إلا الهوى ..ماللهوى عندى عذر..
ابعتذر ..عن أي شي ..
إلا الجراح ..ماللجراح إلاالصبر ..
إن ضايقك انى على بابك أكر ..
ليلة ألم.. واني على دربك مشيت عمري وأنا
قلبي القدم ...
ابعتذر ..ابعتذر ...كلي ندم ...
عن كل شئ .. إلا الهوى ..
ماللهوى عندي عذر ...
اتصدقي ...ماخترت أنا أحبك ..
ما احد يحب اللي يبي ..
سكنتي جروحي غصب ..
ياحبي المر..العذب ...
ليت الهوى وانتى ...كذب
كان اعتذرلك عن هواى ..
وماأقول أنا كوني معاي ..
ان ضايقك انى على بابك امر..
ليله ألم ...
وانى على دربك مشيت عمري وأنا ..
قلبي القدم ...
ابعتذر ..ابعتذر .. كلي ندم ..
عن كل شئ .. إلا الهوى ..
ماللهوى عندي عذر ..
الله كريم ..حبك ..يكون..
همي القديم ..
وجرحي القديم ...
والله عليم .. يا أحلي العيون ..
ان الفراق .. جزا الفراق ..
ابوعدك ..كان الطريق بيبعدك ..
بامشي بطريق ..
وكان الحجود بيسعدك ...
مالي رفيق ..
ابجمع اوراق السنين ..وأودعك..
كان الفراق اللي تبين ... الله معك

يا بنت أنا لـلشمـس فـي جـــلــدي حروق
وعـلى سـمـــــــوم القــيظ تـزهـر حـيـــاتي

أطرد ســــراب الــلآل فــي مــــرتع النــــوق ومــن الــظــمــــا يــجــرح لســـاني لهـاتي

عاري جــســد والــليـــل هـــتّان وبـــروق دفـــــاي أنــا والــبرد سـمــــل العــبــاتي

إن عذربوني بعض خلانـك .. صـــدوق

يا بنت أنـا عــشــــق الـخـــلا مــن صـفـــاتي

وشمٍ على رمـال (الـمتايـيــه) مـدقــــوق
لاشــــك مـــن مـنـــهم يـســــــوي ســــواتـي

أنا بدوي .. ثــــوبي عـ(المتن)مـشـقـــــوق ومــن الجـــبال الســمــر صــبري ثبـــــاتـي

ومثل النخيـل خلقت أنـا و هــامـتي فـــــوق وما إعتــدت أنا أحـني قـامــتي إلا فـصلاتي

ولا إفتخر بأفـعــال يـمنــاه مــــخـلــــــوق يـــا بـنـت أنـا فــعــلـي شــهـودة عداتــي

الله خلقني وكـــلمة الـحــق بــوفـــــــوق وملكت الارض وراس مالي..عصاتي

قصيدة كافي عتاب

البارحة والقلوب أصحـاب كنت القمر وأنت تمدحني
واليوم .. لي مخلبين ونــاب ومشا هد الـدم يفرحني

كذاب هذا المـدح كـذاب وكـذّاب ذنمٍ يجـرحني
إنسـان..ماني نجم وشـهاب وليتك مـلاكٍ وتصلحـني

لي صرت عـاري..علي ثياب بالله وشـلون تفضحـني
اخطيت واخطيت كافي عتاب إنطـق بحكمي وريحـني

ياصـاحبي ماقطعت أرقـاب عـدلٍ قصـاصي وتذبحني
ولاني بعد أجمل الأصـحاب الأجمـل إنـك تسـامحني

ضمي مَلامح صورته ..
ضميه .. لعله يفيق ..
يَشهق .. أو يَردّ النَّفسْ ..
ضمّيه لعَله حبس ..
صٌوته .. رعشة عرٌوقه ..
وخيم حزين الصمت فُوقه ..
مات .. مات
من قبل ما يكتب له فـ قٌربك حياة ..
من لبسه ثوب البياض ..
من سبل عيٌونه ..
مسح غبرة جبينه ..
وش يفيد ..
اللي زرع نصلٍ حديد ..
في قلبه الطيّب نسى ..
قولي عسى .. ما تلمحي ..
فـ طرف ثُوبك له دما ..
يا خٌوفتي .. اللي سبح في نهرك الجَارف ..
غد اموته ظما ..
ضمّي ملامح صورته ..
ضمّيه لعله يفيق ..
يشهق أو يرد النفس ..
صوته جرس ..
ينحب على بوابة الليل ..
يوقظ خدر جرحك ..
يتل من عينك احبال الدّمع
ضمّيه لعله سمع ..
انك تحبينه ..
ولا ..قلتي تحبيه ..
ولا .. قلتي تحبيه ..

سهر.. والدنيا نعسانه .. سهر
والفرقا كانت عن حبايبنا .. قدر
والجرح نزف الدمعتين .. والدمع شباك الحزانا للقمر ..
ِبِعد الأمل .. لما ِبِعدت وفرحي راح ..
ِبعد الزمان .. عني .. وعن عيني الصباح ..
ذي الفرقا كانت عن حبايبنا قدر ..
والجرح نزف الدمعتين .. والدمع شباك الحزانا للقمر ..
آه .. من حنانك .. لسا مالي بالدفا كل الوجود ..
وآه .. يا حبيبي .. لو بعادك كان جفى والا صدود ..
ذي الفرقا كانت عن حبايبنا سهر ..

غربه وليل .. وعمر ضايع ..
وحب ضايع .. في مركب أماني ..
ماله دليل
وانت يا اغلي الحياة ..
في الحب ناسي .. ليتك تقاسي ..
لو قليل ..
يا خطوة دمع فوق الخد..
يا جرح .. يا عمري ماله حد ..
يا حب كبير .. يا حزن كثير ..
يا ليل البعد والتفكير ..
حبيبي .. وكل سنا عمري .. وثواني بسمتك كله
عذابي وقلت انا صبري .. اداري لوعتي فـ ظله
وفات العمر تغريبه ..
وضمت بسمتك .. غيبه
وعشت الحب في ليلي..
وذاب الصبر من ويلي
غربه وليل وعمر ضايع ..
وحب ضايع ..
في مركب أماني ماله دليل
وانت يا .. اغلي الحياة ..
في الحب ناسي .. ليتك تقاسي ..
لو قليل

تجـــاعيد الــجــبل..

إن طحت بوصيك
لا تمدلي يد ... ولا تنتظرني ...
رح ...
( السفح مثل الردى راحه )
عالي الجبل ... مدري الزمن ...
والا العمر ...
والشمس .. يا رمضا وجمر ...

وعلى تجاعيد الجبل .. تشقق ...
إجباه ٍ سمر ...
ويطيح ... لا بد ... أجدٍ يطيح لا بد ...
( والسفح مثل الردى راحه )
وان طحت انا بوصيك ...
لا تمد لي يد ...
ولا تنتظرني ... رح
نرقى بشوق أحلامنا ...
نرقى وعر أيامنا ...
نرقى بأمل ... أحد ... وصل ...
اللي نقول بزعمنا ... انه وصل ...
وبخوف إنسانٍ يطيح
نرقى لتعبنا ونستريح ...
لجل التعب ...
وبلا سبب ... محدٍ يبي يدري السبب ...
( والسفح مثل الردى راحه )
يا صاحبي ... ترى إن طرى لك ... طح ....
وان طحت أنا بوصيك ...
لا تمد لي يد ... ولا تنتظرني ... رح ... رح

حــبيبتــي ياحــلمـ

قصت ظفايرها .. ودريت
البارحه .. جاني خبر ..
أدري لبست خاتم عقيق ..
وتقرا لها كتاب .. عتيق ..
كتاب .. واظنه شعر ..
أحفظ أنا حجار الطريق ..اللي يودي لبيتها
واعرفها زين ..
واعرفها زين ٍ وانا ..
لا شفتها ولا جيتها ..
قابلتها صدفه .. على شفاه الصحاب ..
همسة أمل حسيتها
ودمعة عذاب ..
وصارت هي الخبر الجديد ..
وعلومها همي الوحيد
وش عاد .. لو كانت بعيد ..
بين الحروف حبيتها ..

حبيبتي .. يا حلم ..
ياللي أعرفك اسم ..
وجهٍ تصوره الحروف .. واتخيله ..
نجم ٍ احس انه قريب .. ما اوصله ..
انتي اللي اعرفه .. زين ..
واللي اجهله انتي ..
حبيبتي .. وياليتها ..
اعرفها زين وانا .. لا شفتها ولا جيتها ..

تخيــــــل!!!

تاقف على اطراف الهدب .. وماشافتك عيني
صافحتني ومدري يدك هي لمست ايديني ...
سلم .. ابارد السلام ..
وهذا ترى كل الكلام ..
اللي بقى بينك وبيني ...
تخيـّــل ...
من وين ... ومنين ومتى ...
بالله ذكرني ...
بالله ذكرني ... متى
جيتك انا فـ ليلة شتا ..
تهزني ريح الشمال ...
محتاج انا لبسمه وشال ...
تركتني لبرد الطريق وانا على بابك ..
اتذكر انك قلت لي بالله وش جابك ..
ودعتني قبل السلام .. وهذا ترى كل الكلام
اللي حصل بينك وبيني ...
تخيّــــل ...
اليوم لعيوني السما والارض البعيد ...
اليوم ولغيرك انا يطري على بالي القصيد ...
اشتقت للقلب الخلي ..
وش هم .. لو تعتب علىّ ..
جيتك انا فـ ليلة ألم .. قلبي على كفي ...
همست لي روح ياغريب الشوق مايكفي ...
سلم ابارد السلام ...
وهذا ترى كل الكلام ...
اللي بقى بينك وبيني ...
تخيّــــل ...

يا صاحبي كيف أنا كثرت عذاريبي
أو هو الزمان الذي كثرت عذاريبه
وكان الليالي مثل عرفي وتجريبي
جرحٍ لفت به وجرحٍ بد تاتي به
انا أحمد الله على سدة مواجيبي
لي راس مالٍ رصدته في مواجيبه
مادام راسي عزيزٍ ذي مطاليبي
ما تعذرون الذي عزه مطاليبه
ما اخترت أنا الطيب انا مختارني طيبي
من علم الحر يشهر في مرا****
ولا تحسب ان الثني والمدح يطغى بي
حيث أن كثر الثنا والمدح أنا أحرى به
عن نية الجود صعب اليوم تجنيبي
من قيل ذا النجم جدك غصب يسري به

ابداع الامير البدر

مشكوره ياتولاي على النقل الرائع والمميز

الشكر لك انت اخوي وليد ع المرور الرائع والمميز

ودمت في امان الله,,,