خلاص وش عاد باقي يانظر عينـي
بكره بسافر ولا ظنيـت بـه جيـه
بامشي مع الليل والغربه عناوينـي
ماودي ارحل ولكن صـارت النيـه
باودعك والمدامـع منـك تبكينـي
في الموقف اللي به الكلمات عفويه !
باودعك والمشاعـر بـك تعزينـي
في دفنة الحب وقلوب الهوى حيّـه !
سيلٍ من الدمع بـه شـيٍ معنّينـي
واحلا الليالي كما الصفحات مطويّـه
واللي من الهم فيني منـك يكفينـي
حل الفراق وليالي الحـب منسيّـه
باخذ معي صورتك يمكـن تسلينـي
وقصايد الحب في شارعك مرميّـه
وانقش حروف اسمك بقلبي وبيديني
واكتب قصيده واسمّيها ( الوداعيّـه )