يلي تلمح عن وداعك وفرقاك
لاتحسبني عنك ماني بداري
لاوالله الا دارين عن خفاياك
لاكن سكت ومحتفظ في قراري
سمعت هرجك عند ذولا وذلاك
اهل النمايم ناقلين الهذاري
باصبر لياما ينطقنه شفاياك
واعلمك عن رغبتي واختياري
دامك تريد البعد حنا كرهناك
الحب مايوخذ غصب وانجباري
لاتقول حنا بالمحبه جبرناك
انت الذي جيت بغرامك تماري
برضاك جيت وروح اليوم برضاك
من صد عني مامساره مساري
لاتحسبني بتبعك وآترجاك
مادام مانته بالمحبه مداري
صحيح احبك بس حقك وماجاك
الغدر طبعك والوفاء من شعاري
بالحب دوريالغضي مثل شرواك
اللي تقول انه لشرواك شاري
الصاحب اللي بد خلق الله اغلاك
وسوى لك بقلبه جسور وكباري
وانته وثقة بهرجته لين مااغواك
ماكنه الاصار لك مستشاري
بلسانه الطيب عرف وش نواياك
وقام يتحكم فيك مثل الا تاري
وخلاك تهديله مشاعرك برضاك
والحمدلله منك رديت ثاري
به علقك واليوم روح وخلاك
وقعدت تصفق باليمين اليساري
حاصل على ترخيص من وزارة الثقافه والاعلام السعودي
يلي تلمح
العرض العادي
