الشاعر فيصل الخياري لكل من عبث بنسب قبلة الخيارات

الشاعر فيصل الخياري لكل من عبث بنسب قبيلة الخيارات

الايه يايها الذين امنو اذا جائكم فاسق بناء فتنبئوا انتهت


تنويه صريح: هذه القصيده لا تقصد شخص بعينه ولا فئه معينه

انما لكل من تلاعب في نسب قبيلة الخيارات من بني رشيد ردع له وتوقيفه عند حده وعدم الخوض في مثل هذي الامور المسيئه من الجهلاء

وتعقيب على ماتداولته بعض المواقع الانترنت بهذا الشان فانهم لا يمثلون القبيله باي حال من الاحوال ليس من اعلامها ولا شيختها

وليس للقبيله شيخ يمثلها سوى امير الشمل الشيخ حباس بن ابراهيم بن غثي
وهو مصدر الثقه ولا يصدر منه الا ثقه
ام ما دونه فهم معرفين فقط لا تسند لهم اي مهام بشان القبيله وشكرا للجميع

اليكم القصيده

انا خيــاري ونتمـــي لرشــــيدي = لن الرشــــيدي بالوفاء يرفــع الــراس

وليا ســــالت من وين اي بديدي = انا رشــــيدي طيب سـاســن على سـاس

ربعي هل الكــفه خصــام العنيدي = رحب الصـــدور اللي لها الطيب نومــاس

ماني مصـدق في كـــلام البليــدي = اللي اعــــلومه كلها هــــاس في هـــاس

يبي ايــوزعــنا عــلى مايريـــدي = والله ليبطي عظــــم مايلبس الطــــاس

خلك على حـدك وزنـــك امحيـدي = لاتجــــر للفتنــه عــــلى دق الاجــراس

ولياهــرجت اعطيك عـلمن اكيدي = وش قـرب البومه علــى وكــر قرنــاس

هــذا كــلامي ياصــلك بالبـــريدي = ليــــا سـمعة والا عـــــلى خــدك ايداس

مانتا ولــد الدليــم والا الحفـــيدي = طرطـوش خبـلن مثل طبعـك مـع النــاس

ماتعرف اسلوم العرب وانقيـــدي = ايلبســونـــك لبــس ماهــــو لك البـــــاس

في كل يوم ايعــايدونـك بعـــيدي = مــريض نفــــس ومتضـح فيك الاونـــاس

تبي تعـــز النــاس وانتا ضــهيدي = خسيس طــــبـع وفيـك خـبثـه وهـــــلاس

مشيمينك شيــــم واثــرك امكيدي = وانا احسب انك من قبل عندك احســـاس

مايفهمك ياغــير زنت الوريـــدي = ايعلـــمونك درس من غـــــير قرطــــاس

ان كان ادغمي او مغيري سنيدي = احطــــهم في قـــــمة الــــراس نبــــراس

ربعي اخيارات الظفـــر للبعيــدي = ليـــا رمعـــنا رامعـــن نشـــلــع الـــــراس

عــــدونا عـــنه الخبر له جحيدي = كــم واحــــد روح عـــلى دك الادمـــــاس

منا بن عـفنان لكيد الــعمــــودي = مــــن رمــعتـه والمــــوت حبــاس الانفاس

انشد وتلقى اعلوم ربعي تشيدي = للخـــــير مــــــيرادن ولشــــــر مقــــباس

اما الكــرم والطيب طبعه فريـدي = ربعي هـــل الطـــولات على قـــوة البــاس

اكــــبر دليـــــل ابيـــوتنا بالمديد = تعــــرف بها اخيـــارات بالطـــيب تنقــــاس

وهذا دليل ان الكــرم له شهيـدي = مـــدهــــل نشــــامـا للخطــاطــير مدبــــاس

وانا خيــاري ونتمــي لرشيـــدي = لن الرشـــــيدي بالـــوفـــاء يرفــع الــرس