رد الزعيم مساعدالرشيدي على قصيدة شاعر عبس عيد بن مربح...

وجه الشاعر الكبير / عيد بن مربح الرشيدي قصيده للزعيم مساعد الرشيدي

قصيدة ابو غريب:
وقت رجم الشقا من عرض من واق فيه ----وسبقوني علـى متنـه قـروم العيـال

بين نمة حسود وبيـن هـذرة سفيـه----اتّكالي علـى المحيـي عزيـز الجـلال

الوفاء ماشـيٍ بـه والـردى محتريـه----حسبي الله على الهقوه ومكـر الرجـال

والخطاب المبطّـن والسـؤال الوجيـه----كلبوهن لهـن مغـزى وجملـه تقـال

ومجلـسٍ مايقـدّر خطوتـك لاتجـيـه----حط بينـك وبينـه بـرزخ الأعتـزال

روّض النفس وأردعها عن اللي تبيـه----وكان طاوعتها غنـت علـى ليـل لال

وأعطها فرصه المسجـون لمزاوريـه----ودفها دفـة الطاغـي لمستـور حـال

قبل تفهم غلـط معنـاي عـرّج عليـه----بكره النفس تسأل عن حـرام وحـلال

يامساعد ربيع يابو فيصـل ياهييييييـه----خذ عن الوضع نبـذة ياكريـم السبـال

ياولد مـن تمـد الجـود راحـة يديـه----ياغصن دوحةٍ يلقـى تحتهـا الظـلال

مستحيجٍ ريال ووسـط جيبـي جنيـه----ولازم أصرف جنيه لحاجتـي بالريـال

أتخذت القـرار الصعـب ماقلـت ليـه----شيٍ أكبر مـن الواقـع وحلـم الخيـال

المهـم أرتكيـت بمرقـبٍ منـت أبيـه----رغم طعن الزمان وضحكـة الأحتيـال

وأي طيب نزيـه أنـا خويـه وأخيـه----لين حمر النثايل فـوق قبـري تهـال

رد الزعيم / مساعد الرشيدي :

شرف الرجم (عيد) وجابن العيد فيـه----مرهفات الهجوس ومفحمات الخيـال

وأنصرف مثل (نوٍ) عاقـدٍ حاجبيـه----لين هلهـل عثاكيـل برديـه وسـال

أقبل البرق قبلـه والرعـد مقتفيـه----والسعد من يمينه والفخر من شمـال

كنه اللـي تغافلنـي وأنـا محتريـه----من مغيب الهلال ليا طلـوع الهـلال

لين قام يتصافق مـن حديـه لحديـه----قلت هذا (ولد مربـح) بليـا جـدال

أثر مافيـه لا حيلـه ولا لـه شبيـه----مير يامرحبا به يـوم نـادى وقـال

(يامساعد ربيع يابو فيصـل ياهيـه)----عد مانسنس الغربي وشعشع ظـلال

شاعر ضيق الفرصة على منافسيـه----كم كتب بيت شعر وصار مضرب مثال

كل ماهو لديهـم بعـض ممـا لديـه----أن بغوها حميـا وأن بغوهـا عـدال

وصاحبٍ عند وقت اللازمه محتسيـه----يوم مال الثقـال إلا ظهـور الجمـال

كاربـات عزومـه فتٌـل ساعـديـه----مرتوي عز نفس وممتلي طيب فـال

كل عبسي يعرف أفعال جـده وأبيـه----مثل نارٍ لها في راس (أبان) آشتعـال

كنه الجدي في ليل السـري نقتفيـه----وكنه المارد العـذب القـراح الـزلال

يارفيـق لفانـي منـه شعـر عليـه----ختم جودة (قلادان) الظفـر ماتـزال

شعر شامـخ معانـي فـاردٍ منكبيـه----كامل أوصاف بأمر الله عزيز الكمـال

خل صدرك على الضيقات خبت نفيه----لا يجي للحسوفه في حياتـك مجـال

ماش عذر وجيـه لبارديـن الوجيـه----باهتيـن الحميـا قاصريـن الحبـال

مايعكر مزاجـك غيـر رجـل مليـه----مايسد بلـزوم ولا يعـز ،، بوصـال

أحقره حقـرة العالـه علـى والديـه----وسط مجلس تمركو به زحول الرجال

لا تطيل النظر في كـل وجـه كريـه----وحط في كل عينٍ مـا تـودك خـلال

أما أنـا يارفيقـي موقفـي محتميـه----في جميع الظروف وفي جميع الحوال

لا توصي حريص ولا تفطـن نبيـه----مـدرك للأمـور وحاسـب للهبـال

ماتزحزحت شعره عن مـرامٍ نزيـه----آتساهله لو شافـوه صعـب المنـال

منتهى المجد عمـر بالوفـا تبتديـه----ومنتهى الذل من حط الردي راس مال

لا أنقطع حس (عيد) ولا عدمنا وحيه----يوم غنا بعذبـات الطـروق الجـزال

وبعد ماتوج أمجـاد القلـم بأصبعيـه----ذا مردي ،، وهذي غترتي والعقـال

......
مع تحيات العاقل1
...

صح الله لسان الشاعرين العملاقين ومشكور العاقل1 على النقل

صح الله لسان الشاعرين العملاقين ومشكور العاقل1 على النقل

قمه علي قمه وكفوووووو يابو مربح وانت يابو فيصل

صح الله لسان الشاعرين عيد ومساعد ويعطيك العافيه العاقل 1 علي النقل الجميل

ياسلااااااااااااااااام هذولا فحووووووووووول الشعر والا بلااااااااش

صح لسانهم
ولاعدمناك على النقل ..


.

رد وافي من شاعر مبدع
لايستغرب الابداع من ابو فيصل وابو غريب
ولا يستغرب منك يالعاقل1 نقل كل ماهو جميل ورائع بيض الله وجهك .

رد وافي من شاعر مبدع
لايستغرب الابداع من ابو فيصل وابو غريب
ولا يستغرب منك يالعاقل1 نقل كل ماهو جميل ورائع بيض الله وجهك .

صح لسان الشاعرين ‏
وليس غريبا من الشاعرين هذا الرد لانهم من أفضل شعرا بني رشيد

رد وافي من شاعر مبدع
لايستغرب الابداع من ابو فيصل وابو غريب
ولا يستغرب منك يالعاقل1 نقل كل ماهو جميل ورائع بيض الله وجهك .