الامير فيصل بن مشعل في ضيافة الشيخ محمد البديوي المضيبري الرشيدي .. [ صووور ] ,

السلام عليكم ورحمة الله وبركاته ..
تشرف الشيخ : محمد بن دخيّل بن بديوي المضيبري الرشيدي ..
بزيارة خاصة من صاحب السمو الملكي الامير فيصل بن مشعل بن سعود بن عبدالعزيز آل سعود ..نائب أمير منطقة القصيم ..
لمنزله الجديد بمدينة بريدة بحي الروضة ..
بحضور سعادة المهندس / حمد بن علي الزيدان أمين مجلس المنطقة ..
و
خلفان الرشيدي ..
والوفد المرافق لسموه ..
وقد تبادل سموه مع الجميع الحديث واستمع القصائد الوطنية .. وقصيدة مدح في سموه ..
من الشاعر : جمعان بن خلف الرشيدي ..
وتناول بعدها العشاء وتم التقاط صور تذكارية مع سموه ..
وغادر بحفظ الله ورعايته ..
هذا وشكر الشيخ محمد سموه على الزيارة ..
كما شكر الاستاذ / عبدالرحمن بن محمد البديوي سموه ..
وأبناء الشيخ محمد ..
عبدالرحمن بن محمد البديوي ..
عبدالمجيد بن محمد البديوي ..
وليد بن محمد البديوي ..
عبد اللاله بن محمد البديوي ..
..

وقدم سموه شكره لمنتدى الشاعر غازي البراك واثناء عليه ..

.. الصور ..

الشيخ محمد البديوي مع سموه ..

الشاعر/ جمعان خلف الرشيدي ..

أهدى سموه ديوانه و قصيده في الملك و قصيده في سموه ..

..

صور تذكارية مع سموه ..

الشيخ محمد مع ابنائه .

الامير ووليد البديوي ..

..عبدالرحمن والامير مع الشيخ محمد

الامير مع عبدالمجيد البديوي ..

...

وانا أقووول هنيئاً لنا بهذا الامير المتواضع والمحبوب من الجميع الصغير قبل الكبير ..

تحياتي لكم ..

كفووووووووووووووووو كفووووووووو يا صقور البديوي على هذه الزياره الرائعه والكريمه من سموه ولا شي غريب عليه ابو سعود اطال الله بعمره وجعله من السعداء في الدنيا والاخره

والله يزيدك من نعيمه وفضله ياابو عبدالرحمن والطيب مو شي غريب عليك وعلى صقرك عبدالرحمن الله يحفظكم باحفظه ...........



مع تحيات اخوكم
نيوتن ,,,,,

والنعم بالشيخ محمد بن دخيّل بن بديوي المضيبري الرشيدي .. ويستاهل كل خير
وماهي غريبه على الأمير انه يزور الناس الطيبين اللي مثل ابو عبد الرحمن ...
أخوكم : بن تن

وعليكم السلام ورحمة الله وبركاته

حياك الله يابو فهد في موقع الجميع ومشكور على هذه التغطيه الرائعه جزاك الله خير
وصح السان الشاعر القدير جمعان خلف
وبيض الله وجه ابو عبدالرحمن على جهوده وعلى هذه الدعوه الكريمه لصاحب السمو الملكي الامير فيصل حفظه الله ورعاه

ماهي غريبه من حكام هذا الوطن الغالي التواصل مع الشعب حفظ الله لنا حكومتنا الرشيده والله يطول بعمر ابو متعب

هذه الزياره تدل على مكانت ال بديوي عند ال سعود كثر الله خيرك يابن بديوي والله يحفظ صاحب السمو الملكي الامير فيصل بن مشعل ال سعود وصح السان الشاعر الكبير جمعان خف وبيض الله وجهك يابو فهد

موفقين ان شاء الله

هذه القصيده مهداة الى الشيخ محمد البديوي من الشاعر الكبير خلف بن جمعان ......
حياك الله يانيوتن , ولكن يا اخي يشرفني ان تسميني بأسم ابي
أنا جمعان خلف الرشيدي , وإليكم القصيدة بعد التعديل

حيا الله محمد وحي اتصاله ..وحيا الله اللي خصني بالرسايل

في دعوته حق علي اعناله ..واشارك افراحه بجزل المثايل

في حفل اخوه بفرحته واحتفاله جينا ..نهنىء مع جموع القبايل

مبروك جعل الخير والعز فاله ..ويجعل طريقه في ورود الخمايل

عبدالرحمن اللي طويله حباله .. عد الروى ماهي رسوس وثمايل

ابن الذي لا قال يثبت مقاله.. قول وفعل ماهي سواليف قايل

محمد دخيل محب الجزاله.. اهديه بافراحه بيوت جزايل

مال الجماله غير رد الجماله.. وانا علي اليوم رد الجمايل

عن موقف يحسب لشخصه الحاله.. يوم انها مابين عدل ومايل

محمد الوافي وفا والوفاله.. طيب لبوه وللجدود الاوايل

برك وحط الحمل فوقه وشاله.. وقفت وفا من راس واف الخصايل

وانتم هل المعروف واهل الشكاله ..روس البديوي من كبار العوايل

ومحمد دخيل كريمه خصاله ..طيبه تبين والفعايل دلايل

مضيبري وابن ابدوي من خواله ..ونعم الخوال اهل الكرم والفضايل

وماينكر المعروف غير الحثاله ..ناس تميدح وهي مامن صمايل

واليا ركب حبل الفعل بالمحاله.. صارت عزاويهم سوالف قوايل

وبعض الكلام اليوم مالي وماله ..طعس اليامني حفرته تهايل

وانا من اللي يحفظون الجماله ..ومال الجماله غير راع الجمايل

وتمت بذكر الله منشي اخياله.. سبحانه المعبود منش المخايل

وصلوا على اللي خصنا بالرساله.. عداد ماخط القلم من رسايل

محمد الهادي ولاصحاب واله.. شفيع قومه في نهار الهوايل
أنا لما قلت في حفل اخوه اقصد المتصل علي مبارك دخيل أخ محمد دخيل ولست اقصد العريس وهذه القصيدة مناسبتها زواج الاستاذ عبدالرحمن بن محمد دخيل الرشيدي

للعلم وشكرا لك يا اخي نيوتن
تحياتي للجميع جمعان خلف الرشيدي

الاخ الاستاذ محمد بن دخيل الرشيدي
شكرا لك على كرم الظيافه وحسن الاستقبال لغير مستغرب من شخصك الكريم
شرفتنا وتشرفنا بزيارة صاحب السموالملكي الامير الدكتور فيصل بن مشعل بن سعود بن عبدالعزيز آل سعود
وهذا ليس غريبا على هذه الاسرة الكريمه التواصل بينهم وبين شعوبهم , حفظ الله بلادنا وولاة امرنا من كل سؤً ومكروه وحفظ الله مليكنا الغالي ابو متعب حبيب الشعب ,
تحياتي وامنياتي للجميع بالتوفيق والسداد ,
جمعان بن خلف الرشيدي

حفظ الله المملكه وشعبهاا من كل سو ومكروه
في قياادة ملك القلوب سيدي صاحب السمو الملكي الملك عبدالله بن عبد العزيز

كما اوجه شكري لشيخ محمد المظيبري على كرم الضياافه وحسن الاستقبااال
وهذا ليس مستغرب من سيدي سمو الامير محمد بن مشعل الله يطول عمره
ان يقوم في زياراته الى شعبه
وشكرا لشااعر الكبير ابو خليفه جمعان بن خلف المظيبري
واقووووول صح لساانك واعتلا شاانك يابو خليفه
وشكرا للجمع

حياك الله يابو فهد في موقع الجميع ومشكور على هذه التغطيه الرائعه جزاك الله خير
وصح السان الشاعر القدير جمعان خلف
وبيض الله وجه ابو عبدالرحمن على جهوده وعلى هذه الدعوه الكريمه لصاحب السمو الملكي الامير فيصل حفظه الله ورعاه

ماهي غريبه من حكام هذا الوطن الغالي التواصل مع الشعب حفظ الله لنا حكومتنا الرشيده والله يطول بعمر ابو متعب