:: جنوب حائل ::

،،،،
،،،
،،
،


بعد حادثه الاسبوع الماضي اعتقد ان الحزن لا يزال مخيم على الكثيرواعلم ان الجرح لا يؤلم الا من به الم واعلم ان الحقائق كثير وان الشاعر بوح مجتمعه هذه قصيدة بوح وتعبير عما خفا في اعماق الجرح نقلتها من بين الحنايا الى اروقتكم اتمنى ان تلاقي رضاكم واستحسانكم .

أربع عشر نفس (ن) قضت بأخر أسبوع = قبل وداع العام وأدعهن العام
وأنا من اللي صار ما زلت موجوع = وأحس بالآلام(ن) ولو مابي ألآلام
والقلب كنه من خفا الصدر منزوع = وقوس الضلوع الناحله روح أحطام
وكبدي لهدها هم والهم قاطوع = لوعة ولوعات الزمن مالها حسام
كني أبو وحده من الحزن مفجوع = في فقد بنت (ن) كلها آمال وأحلام
غضن الحشا في فقدها صار مقطوع = كن الحشا من عقبها لابس لثام
راحت ودمع العين بالعين مزروع = وليل المواجع طرف راعيه ما نام
راحت بذنب إنسان وكلّ بمشروع = أكل منه مليون والباقي أقسام
راحت بخط(ن) قبل لايسير مصدوع = ماهو على قد السوالف والأرقام
وراحت بذنب الجامعة مالها فروع = وجنوب حائل ما عرفنا لها نظام
أحيان مسموح (ن) وبأحيان ممنوع = حسب المصالح والمعارف والأقلام
تطلب طلب ويصير لك كم موضوع = ويقفل على الموضوع بالدرج بأحكام
وطلبك بالمظروف مقفل ومشموع = وأصدر عليه الأمر تنفيذ الإعدام
الين ما تصبح من الهم مليوع = حتى تشوف أسمك على صدر الإعلام
ومن بعد ما راحت زهور الحشا روع = هل كيف تبرى يا أهل الطب الأسقام
بس العزاء بالله والصوت مرفوع = لله ربي عالم (ن) غيب الأيام
أدعيه وأدري عنده الصوت مسموع = يجعل جنانه دارهم دار الإكرام

******** type="text/**********">doPoem(0)***********
،،،،
،،،
،،
،
اخوكم - صالح سعود

راحــــت بــذنـــب إنــســـان وكـــــلّ بـمــشــروع

أكــــــل مـــنـــه مــلــيـــون والــبــاقـــي أقـــســــام

ابو مهند ان ماحصل كل مسلم يحزن منه عسى الله يجبر عزاء اهل المتوفيات
والله انا يوم الاربعاء كنت مسافر الى الحليفه ومريت مكان الحادث الصراحه طريق زراعي قديم متكسر
ويمر بقرى ويربط مدينة حائل بالخط السريع المفروض ان طريق يفرق من طريق سريع الى منطقه يكون
سيدين لكن الاهمال وعدم الاهتمام بالمواطن هذه نتايجه لكن ربما تكره شي وهو خير لك ان شاء الله
ان امير حائل يحاسب المقصرين
صح السانك ابيات معبره حفظك الله ولك مني اجمل تحيه

راحت بخط(ن) قبل لايسيـر مصـدوع

ماهـو علـى قـد السوالـف والأرقـام

وراحت بذنب الجامعـة مالهـا فـروع

وجنوب حائل مـا عرفنـا لهـا نظـام

أحيان مسموح (ن) وبأحيـان ممنـوع

حسب المصالـح والمعـارف والأقـلام

صح لسانك واعتلا شانك مدد بلا عدد
قصيدة جزلة من شاعر جزل

صالح صح السسانك واحسساسك قصيده رو و و وعه__

الامير عادل بن هون

اشكرك على مرورك العذب الكريم


سررت بك وبمرورك

الشاعر القدير
غازي البراك

شكرا لك على مرورك الكريم

ورحم الله المتوفيات واسئل الله ان يعين الجميع

ويصبر ذويهم

صح لسانك واعتلا شانك ياصالح سعود مدد بلا عدد
قصيدة جزلة من شاعر جزل تقبل مروري وتقديري

صح لسانك اخوي الشاعر صالح ولله درك يابطل ماقصرت والله يجبر عزى الجميع
تحياتي لك تقبل مروري