الجندي المجهول / لرشيد بن معدي

بديت القصيدة وأذكر الله قبل ما اقول=عسى الله من الزلات والذنب يحماني

أدرج قصيدي بالمعاني واحط قفول=وافقّد كلامي قبل ما ينطق لساني
أحدد هدف ثابت وأفّعل فعل مفعول=ولا أفتح على بعض المواضيع بيباني
على شان من يقرأ ويلقى خبر منقول=يدور مصادربين لولو ومرجاني
أقوله وأنا شاعر مخضرم عريب أصول=أراهن على عقد الذهب غال الاثماني
كثير العرب شعار لكن فيه فحول=وأنا مع فحول الشعر ما خف ميزاني
ومن عاش بالدنيا مجاهد يشيل حمول=لا ينسى زهاب الأخرة قدر الأمكاني
ورزق الفتى وآجله بيد خالقه مكفول=ابصبر لون الوقت جار وتحداني
سلامي على الدنيا وأهلها وأنا مشغول=أفكر برحلة درب ابويه وجداني
نهار اني أنزل بيت مظلم ماحولي زول=تحت رحمتك يالله بعفوك لا تنساني
وانا من زمان أبحث عن الجندي المجهول=ادور على اسمه واسأل فلان وفلاني
وأنا لّو أقيس الأرض بالمتر عرض وطول=أقول الله أعلم وأكثر العلم يخفاني
لقيت الرجال عقول ماهي بمثل عقول=أحد عقل دنياوي وأحد عقل بإيماني
الا يارجال العلم ابي للخبر مدلول=وحنا بعصر العلم والعلم سلطاني
أشوف أكثر العالم بنعمة ودق طبول=وسواليف ود وهات من دون برهاني
دعيت الجميع وقلت للفرد والمسؤول=ترى الأمر شورى وأحفظوا قول لقماني
أحد قال يالبيه ويلبي المرسول=وأحد قال أنا ما أقدر ومر وتعداني
يد الله مع الجمعاء ومن ينفرد معزول=عن المجتمع من شذ ماوآه نيراني
ولاهي غريبة من قدم للسنين فصول=ولا صدق محمد يهودي ونصراني
أهل كتب لكن وضفوا قول ينقض قول=ومن ما يدين بدين الأسلام خسراني
والا يا أهل الألباب للمعضلات حلول=يصح الصحيح وينخزي كل شيطاني
على سنة محمد وسيف الله المسلول=وعمر وعلي ومقومة خمس الأركاني
وعثمان والصديق والتابعين عدول=على السنة الغراء وتشريع فرقاني
وخادم بيوت الله ومن عارضه مذلول=حكم بالشريعة وآمنت كل الأوطاني
ملكنا ذرانا عزنا سيفنا المصقول=مليك السعودية ذرى الجار والعاني
أبشكر مليك المملكة والشكر موصول=على النائب الأول وللنائب الثاني
بعدها نحاول والحكم حبلها مفتول=وأبثني على المجهول في سر وإعلاني
أببحث عن أخباره بقمة جبل وسهول =وابنشد رجال العلم وحقوق الأنساني
وعلم العوارف حي ما ذكرهم مقتول =على صفحة التاريخ ينظر بالأعياني
مثل عروة العبسي وعنتر وابن مقبول=وحجرف وابن كلثوم والشيخ راكاني
وجمعان ابن معتق فرض شعره المشعول=وغنام ابن هادي مؤرخ وضماني
وعوارف كثيرة خالده والرجال زحول=سوى من بني قحطان وإلا بعدناني
ابا أجهز العدة وابا ارد على المنهول=وهداج تيما مرويٍ كل ضمياني
أحط الرموز المبهمة والفراش زلول=وتجي الخيل قرح واجرد الخد ميداني
وذيول الهجاء خمسة وللعاديات ذيول=الأسماء تشاهبه والمفارق بالألواني
وانا ماتعامل بالحقيقة مع أنتربول= ولاأسأل عن التاريخ شوعي وعلماني
على سنة محمد وصحبه يصح القول= عسى الله على منهاج الأبرار يقداني

وصلاة الرضى عداد مارشرش الهملول=على المصطفى وآله والأصحاب من داني

******** type="text/**********">doPoem(0)***********

******** type="text/**********">doPoem(0)***********

صح الله لسان ابن معدي وبيض الله وجهك ع النقل

صح السان الشاعر الكبير/ رشيد بن معدي . . .
ومشكور يالجبل الأشم على النقل الرائع
وتقبل تحياتي وتقديري . . . .

صح السان الشاعر العلم رشيد بن معدي
رشيد شاعر غني عن التعريف شاعر محاوره
وشاعر نظم بارز على مستوى دول الخليج
حفظه الله والله يطول عمره على طاعت الباري
الاستاذ الجبل الاشم جزاك الله خير على هذه المشاركه
القيمه وعلى تواجدك في موقعك موقع الجميع
تواجد اللي مثلك وشرواك يهمني ويشرفني ويسعدني
كاتب مبدع حفظك الله محبك با الله ابو يوسف

صح السان الشاعر الكبير/ رشيد بن معدي . . .
ومشكور يالجبل الأشم على النقل الرائع
وتقبل تحياتي وتقديري

القصيده فيه اسرار لكن المعنى بطن الشاعر صح السان شاعرها وعاش ناقلها

أببحث عن أخباره بقمة جبـل وسهـول =وابنشد رجال العلـم وحقـوق الأنسانـي
وعلم العوارف حي ما ذكرهـم مقتـول =على صفحة التاريـخ ينظـر بالأعيانـي

هــــــــــــــــــــات مــــــــــــــا عندك

وعلم العوارف حي ما ذكرهـم مقتـول =على صفحة التاريـخ ينظـر بالأعيانـي

مثل عروة العبسي وعنتر وابـن مقبـول =وحجرف وابن كلثـوم والشيـخ راكانـي
وجمعان ابن معتق فرض شعره المشعول =وغنام ابـن هـادي مـؤرخ وضمانـي

----------------
جميل بس وين راح خالد بن سنان وحذيفة بن اليمان-؟ ومن العهد القريب معزي ودليم ؟
--------------------------------------------------

وأنا لّو أقيس الأرض بالمتر عرض وطول --أقول الله أعلـم وأكثـر العلـم يخفانـي
حكمـــــــــــــه
----------------------------

وخادم بيوت الله ومن عارضـه مذلـول =-حكم بالشريعة وآمنـت كـل الأوطانـي

ملكنا ذرانـا عزنـا سيفنـا المصقـول =مليك السعوديـة ذرى الجـار والعانـي

-------------------------------------------
الله يحفظه ويدم نعمة الامن والامان ولا يغير علينا
----------------------------------
قصيده تعكس مايدور بالساحه المعاصره وتاخذ من الماضي ادله واستشهاد فيها شيئ من تمجيد الذات المقصود به النصيحه وبيان النهج الواجب اتباعه--شاعر متمكن واسلوب سهل ممتع
صح السان الشاعر وسلمت يمين الناقل--اختيار موفق

صح الله لسان ابن معدي وبيض الله وجهك ع النقل

بسم الله الرحمن الرحيم
السلام عليكم ورحمة الله وبركاته
تمت دعوتي عبر رساله
من الشاعرالقديرغازي
البراك
وطلب مني الرد في ماراه حول هذه القصيده وانا ليس
شاعراً بل كاتب وناقد
الجندي المجهول كل العصافيرلها
منازل
إلا العصافير التى تحترف الحرية
فهى تموت خارج الأوطان جنود لم يعرفوا ألاحسان بالامان
مواطنون دونما وطن
مطاردون كالعصافير على خرائط الزمن
مسافرون دون أوراق اثبات كواليس
الحياه غلاف عيونهم خلاصه الجندي
المجهول ينتج بدون مقابل هذا حول
عنوان القصيده 0
القصيده مستواها جيد صح الله السان شاعر وبيض الله وجه ناقلها وامل ان يقبل مني هذه المداخله الانتباه حول القواعد النحويه
أما الأساس الذي تقوم عليه هو القياس حيث ينتقل الفكر فيها من الحقيقة العامة إلى الحقائق الجزئية
، ومن القانون العام إلى الحالات الخاصة ، ومن الكلي إلى الجزئي : ومن المبادئ ، إلى النتائج ، وهي بذلك إحدى
طرائق التفكير التي يسلكها العقل في الوصول من المعلوم إلى المجهول . وقد ألفت بعض الكتب النحوية على هذا الأساس
" ككتاب قواعد اللغة العربية " لحفني ناصيف ، وكتاب " النحو الوافي " لعباس حسن وكتاب " جامع الدروس العربية

صح السان الشاعر الكبير/ رشيد بن معدي . . .
ومشكور يالجبل الأشم على النقل الرائع
وتقبل تحياتي وتقديري