سلام الله عليكم جميعا

سلام الله عليكم جميعا - تحية تقدير واحترام للموقع وصاحبه واعضاءه الافاضل-
اشتقت لكم فمريت وعز علي ان أخرج دون ان اترك اثر فكتبت هذه الكلمة ووضعت هذه المشاركة

تكفى يا ممدوح مد الشوف == يوم المطر ضيع الجره
مالك عذر برقعك مكشوف == لولاك ما نقنص الحره
مليت بطني من المعـروف == ما خان طلعك ولو مره
لا تلومني لزمان الظروف == يوم ارفع الصوت واجره
البارحه كلمتنـــي نــــوف == خلتنــي اصغر من الذره
تقول صار الغلا منصوف == بين اشقر الريش والدره
ما لومها لو لحقها خــوف == من كثر ماغليك محتره
الشاعر سعود العجوني الرشيدي
==================================
هيضني الشاعر المعـروف == خلا المشاعرلها صره
ابيات مثل الذهب مصفوف == على صدر زينة الغره
معذور يا بو الحشيمه نوف == لو ترفع الصوت وتجره
طيرالهوى بالغـلا موصوف == راعيه يموت من حره
نشريه لو ما نجد مصروف == محشـوم نرعاه ونبره
له منزله عــــاليه بالجـوف == اليا اخضر العود في بره
اليــا غدن الفياض أريـوف == والكل يذكر لنا الجره
ابو عبد المجيد/ عارف الرشيدي

وعليكم السلام ورحمة الله وبركاته
مرحبا بالوافي مرحبا بالرجل الخلوق مرحبا بمن أسس هذا الصرح بدعم المادي والمعنوي
صح الله السانك والله يطول بعمرك بالصحه والعافيه

وعليكم السلام
صح السانك

تحياتي لك