يكفيك وانا بياض الوجه يكفينى(سلطان الهاجرى)

أثرْك جالك بطين ونبت لك صـرّه!!
يوم أنّي أزهـم عليـك ولاتحاكينـي

ورثت ورث العجوز وجيـت مجتـرّه
وصنفت نفسك من أصحاب الملاييني!

بالله أبنشدْك كم مرّه .. وكـم مـرّه
يجفونك أقرب بني عمك وتاتينـي ؟؟

تشكي من الفقر .. وتعاني من الحرّه
وأقوم وأقسم معاشي بينـك وبينـي

واليوم تركب على المرسدس وتفـرّه
كنّـك حفيـد الأئمّـه والسلاطينـي

لوّك بدال الأمريكـي عالـم الـذرّه
يمديك أكلت الزوالـي والبطاطينـي

يعطيك من خيره !! ويكفيك من شرّه
عقب التكاسي وعقب الفقر و الديني

أن كان نفسك من المليـون منغـرّه
تـراك خسـران فالدنيـا وفالدينـي

الله هو اللي يسـر العبـد ويضـرّه
والا أنته (أربع حروفٍ) بين قوسيني

تراك مازلت تتبعنـا علـى الجـرّه
من عاد حنّا على ظهور البعارينـي

قومٍ يدينـا تحـوش المـال وتثـرّه
على بيـوت الأرامـل والمساكينـي

لو نملك الكون من بحره ليـا بـرّه
مانمتلك بـه عمـارات ودكاكينـي

والا أنت نفسك من المليون منغـرّه
يكفيك .. وأنا بياض الوجه يكفيني !!


منقول لشاعر سلطان الهاجرى

صــــح لسان شاعرها

وسلم بنان ناقلها

دمت بخير مع التحيه

دلوعته
:

اشكركى اختى على مرورك

صح لسان قايله وسلمت انامل ناقلها


اشكرك ع النقل الرائع المميز

والا أنت نفسك من المليون منغـرّه
يكفيك .. وأنا بياض الوجه يكفيني !!

كلمات روعه جدا صح لسانك

ومشكور على النقل

مشكور اخوى على المرور

صح لسان قايلها

وسلمت انامل ناقلها

تقبل مروري ,,,

بالله أبنشدْك كم مرّه .. وكـم مـرّه
يجفونك أقرب بني عمك وتاتينـي ؟؟

يا ساتر ناكر الجميل لاخير فيه

صح السان الشاعر المعروف سلطان بن وسام الهاجري

وانت بيض الله وجهك على النقل لاهنت يا النشمي

صح لسان قايلها

وسلمت انامل ناقلها

تقبل مروري ,,,

صح بدنك

ومشكور على المرور

بالله أبنشدْك كم مرّه .. وكـم مـرّه
يجفونك أقرب بني عمك وتاتينـي ؟؟

يا ساتر ناكر الجميل لاخير فيه

صح السان الشاعر المعروف سلطان بن وسام الهاجري

وانت بيض الله وجهك على النقل لاهنت يا النشمي


اى والله انك صادق من ينكر المعروف مافيه خير

صح بدنك ياشاعرنا

وبيض الله وجهك يالنشمى
تحياتى