اعزائي ادارة واعضاء وزار موقع الجميع اليكم قصيدةالمشاركة بحفل الشيخ / رشيد بن جمعان بن داموك الرشيدي بالحفل الذي اقامة25/6/1433هـ
بقرية الحماد تكريماً للقبائل وابو ناصر مهما قلنا
قليل فيه لانه كفو ويستاهل
الاوله مرحبا بحضور كل الرجال=ترحيبة|(ن) بالوفاء والطيب ملها حدود
إعداد برق المزون وعد رش الخيال=معنونة(ن) ريح كاد وريح مسك (ن) وعود
والثانية في محل من قديم الليال=مشرع الباب والضيفان وسطه وفود
عند ابن داموك شيال الحمول الثقال=شيخ(ن) غنياً بفعله مايبيله شهود
راعي مضيف(ن) مشرع من قديم ولازال=في وقت فيه الليالي بين بيض(ن) وسود
يلقابه الجار والطرقي مقيل وظلال=والضيف يقلط على الحايل وشط القعود
من طيب راعيه شيخ(ن) مايهاب الثقال=مايبتلش في صوادرها ولا فالورد
دون المواجيب ماحسب جنيه وريال=هذي فعول الرجال معربين الجدود
كم من سجين بذل له جهد جاه ومال=وبشربه اللي رجاه وفك عنه القيود
ونا افتخر في ولد جمعان واف الخصال=وتفخر بني عبس فيه وطيبين الجدود
شيخ نعده رصيد ومكسب ورأس مال=رصيد بنك المراجل غير بنك النقود
لعل يفداه من لو قال ماوفى ماقال=شيخ تشيخ وهو من قاصرين الزنود
شيخ يحسب المراجل لبس بشت وعقال=ولا الشدايد ماله فعل(ن) ولآله وجود
واليوم ننعم بفضل الله عزيز الجلال=باطهر بقاع البسيطة فوق كل الوجود
الله يرحم موحدها ويبق العيال=اللي ولانا لهم في كل يوم يزود
حكامنا أهل لكرم وأهل الوفاء والعدال=أخوان نورة حماة الدار ال السعود
******** type="text/**********">doPoem(0)***********
الشاعر / مبروك بن عبيد العجوني
حاصل على ترخيص من وزارة الثقافه والاعلام السعودي
قصيدة المشاركة بحفل الشيخ /رشيد بن جمعان بن داموك
العرض العادي
