القاف
ارقد ارقد يا ثويمر والقوافي عندي==كان جانا شاعر المعنى نبي نسريبه
شاعرً مسرع وشاعر بالطريق مهدي==وبنت ابو زيد الهلالي وجدها تغنيبه
ابن علوش
صاحي ن فكري ويقدح بالفتيلة زندي = مير يارع الذهب ماكل اسوق اشريبة
صاحب الباشات في مصر اسمة الافندي = يالافندي قلنا وش عندك اتفديبة
القاف
انت مسرع مير ياليتك شوى تهدى = العوعر دربه نصيحة خير لاتمشى به
والله انى بالكـــلام الــزين ودى ودى = والتمادى بالخطاء كله خطاء ومصيبه
ابن علوش
انت هرجك صح لكن ماتعدى حدي = والعور في ديرة العميان شافوا طيبة
ياوسيع العرف والله ماتبيح سدي = مير هللت شفلك مسجد اتصليبة
القاف
كل ساعى للبريد يجيب ولا يودى = والعرب تنشد وش يوديه ويش يجيبه
البحر يعرف ياشاعر بالجزر والمدى = وانت يمكن ياوسيع المعرفه تدريبه
ابن علوش
كل ماخاطبك في حاجة لزوم اتردي = وانت تعرف من يزعلنا مانملا جيبة
خلك بصفي وطعني لاتوقف ضدي = لين تجلس فوقي كرسيك بنفط الشيبة
القاف
قبل ماتعرف مزوحى منت عارف جدى = والزمن ماحد بدارى ويش خــــافى غيبه
كان بسلوبك على راس الطويل معدى = طحت لى فى دوا هاذا الليل عاوى ذيبه
ابن علوش
المهم انت اتعرفني في رخاي وشدي = مالك الا سيرة اكحيلان واتهذريبة
طبعي اخلال العيون وحر لطم الخدي = يعني انا بختصار الهرج كلي هيبة
القاف
مانحسب احساب لامنا وردنا العدى = وكل دلوناً مايخظ الجم مانروى به
والله ان من طبعى انى ماتعبط بدى = مير علم الخير ياراع الوفاء تحريبه
ابن علوش
والله اني مالبست الاثاب ن قدي = في ثقة نفسي ماتدخلني شكوك وريبة
ياعيادة يوم شافوك العرب متعدي = قدرتك هدوك وانته سيفك اتماريبة
حاصل على ترخيص من وزارة الثقافه والاعلام السعودي
محاورة ابن علوش ( والقاف )
العرض العادي
