أعزائي زوار واعضاء وإدارة موقع الجميع اسعد الله جميع أوقاتكم بكل خير
الشاعر / عوض بن خيران الرشيدي خص موقع الجميع بجديد شعره وهي قصيدة
بالشيخ / محمد بن عبيد بن عقيل العجوني
يامحمد بن عبيد دامت لياليك=يامفرح(ن) هذا ويامكرهن ذاك
طيب ولا فالطيب شكه وتشكيك=يالطيب اللي طبت من طيب مجناك
رجال ربو رجال ماهي صعاليك=والعود يومنك تمرجلت وصاك
ماهو مغفل يوم عودك يوصيك=يبغى الرجوله تنحسب لك بدنياك
وألي أحترامي واحترم حاجة(ن) فيك=ولاهنت والله لايهينك بدنياك
وأغيب مده واتصل فيك واجيك=وادرى على شعري من النقد ودراك
ون رحت عنك بعيد ماني حواليك=مخباك مخبايه ومخباي مخباك
أخذ معك واعطيك واخذ ولاأعطيك=وتاخذ وتعطيني ولااجحد عطاياك
ون قلت وش هذي ونا قلت وش ذيك=لاتقول وش جاني ولااقول وش جاك
طنت بذانيها وطنت بذانيك=وحنت مطاياها وحنت مطاياك
ون قلتها مزحه فنا واثق(ن)فيك=ون قلتها صادق ترى الطيب يزهاك
وهذي تحية من رفيق(ن)يحييك =يامخضب(ن) يمناك من فعل يمناك
******** type="text/**********">doPoem(0)***********
الشاعر / عوض بن خيران العازمي الرشيدي
حاصل على ترخيص من وزارة الثقافه والاعلام السعودي
جديد الشاعر عوض بن خيران خص به موقع الجميع قصيدة مهداه لشيخ محمد بن عبيد العجوني
العرض الشجري