( بني رشيد)

اخواني وخواتي المحترمين
تحيه طيبه وبعد
هذه القصيده لها مناسبه حيت كنت مع احدى الرجال البارزين في رحلة مقناص وكان معنا عدد من ابنا القبائل الاخرى وفي احد الليالي بعد صلاة العشاء ونحن جلوس مع الرجل علم هذا الرجل بان معه شعراء كثر طلب من كل شاعر ان يجيب قصيده يمدح بها قبيلته ويذكر الميزه اللي في قبيلته والذي تمتاز بها قبيلته عن الاخرى وقال بالحرف الواحد انا اعلم انكم فيكم شجاعه وفيكم كرم وكل العلوم الطيبه فيكم ولله الحمد لكن انا ابغا شى تعرف فيه هذه القبيله 0
وكان هذا الرجل لا يحب ان يقال له الا ابو فلان او ياصاحبي وبعد ماجابوا القصيد الشعراء حصل بعض الكلام من بين الشعراء وطلب هذا الرجل عدم نشر القصايد اعتقد انه سبب فتنه وعنصريه وتم نشر هذه القصيده باسم لي مستعار في بعض المواقع وبعد اطلاعي على ان بعض من الشعراء نشر قصيدته باسمه الحقيقي نشرتها لكم باسمي الحقيقي

احيط نوب ونوب بالعلـم ماحيـط=ضايق ولا دري ليه انا بس ضايق
ياصاحب اسمع هرج ماهو خرابيط=خلك معي يا طير شلـوى دقايـق
اسمع بيوتاً مثل ضرب المخابيـط=اللي تولـع فـي هدفهـا حرايـق
ماقلتهـا بالناعمـات الشماحـيـط=ولقلتها باوضاع بعـض الخلايـق
ارقـا بهـا بالنايفـات المشانيـط=وسوقهـا وانـا بالامثـال سايـق
مرضى تعود في بطون المهابيـط=ولرضى تجي وهي سوات العلايق
ازن قواعدها على المتر والخيـط=وابني زواياهـا لياصـرت رايـق
نظامها يمنـع دخـول الشراميـط=وتحيطها من كل صوب الحدايـق
وتصير قلعة جهد مافيـه تفريـط=تليق بي وانـا لهـل فعـل لايـق
والرجل مايجهل كـلام المهاييـط=لصـار بيـن مقيـدات وطلايـق
اللي دفاترهـم نقـاط وشخاميـط=ووجيههم مغسولتـن فـي سلايـق
ويا صاحبي ماهو بانا صاحب مقيط=اللي حذف برشاه ساعـة توايـق
خلاه مابيـن الصفـا والزرابيـط=والليـل مضلـم والنتايـج حقايـق
انـا لياصارالزمـن بـه تخابيـط=وصارت حياض القوم بالما شلايق
ربعي مخضبة الرهاف اللواعيـط=با دما رقاب اهل المهار الزرايـق
وان كان لحياض المنايا مساويـط=حنـا المنايـا فعلنـا فـوق فايـق
اليا جرحنا الجرح لايمكن ايخيـط=يبقا على طول الزمـان امتمايـق
بني رشيد اسيوف عـدلً سواليـط=ضرباتهم تجمـع وتفـرق فرايـق
ولصحابهم مزنن ركونـه نواقيـط=غيث الكبود اللي لشربـه شفايـق
هرجٍ ماهو هرج السعه والجحاليط=اثق مـن اللـي تحتويـه الوثايـق

******** type="text/**********">doPoem(0)***********محمد سلمان الوهيداني

الشاعر / محمد بن سلمان الوهيداني

صح السانك على هذه الرائعة بربعك الذي يستاهلون كل خير والمدح فيهم في محله

تقبل مروري وإشادتي وخالص تحياتي

صح لسانك وانا اشهد انها مثل ضرب المخابيط

صح السانك يابو نايف على هذه الشامخه

اختيار قافيه صعبه تدل على جودة الشاعر

ونعم في بني رشيد ونعم باقي القبائل

بيض الله وجهك اخوي ابو نايف

وصح السانك على القصيده الجزله

وتسلم يمناك على الحضور الطيب

تقبل مروري

فيصل الطشـه

بيض الله وجهك وصح السانك على القصيده الجزله


وتسلم يد الناقل

صح لسانك وبيض الله وجهك علي القصيدة الرااااااااائعه

صح السانك يابو نايف

صح لسانك
وتقبل فائق الاحترام

شاعر جزل



الله يعطيك العافيه على التوضيح