أرجوك تدرى المشاعر لاتهزهزها
ترى المشاعر تألم عنـد راعيهـا
وترى النفوس العزاز لها حواجزها
وحواجز النفس ستر(ن)من خوافيها
وأن قلت لك كلمه حاول تركزهـا
والا ترى الصمت خير من حكاويها
لاتقول لك كلمه تحسبك تحرزهـا
وطيح منها لاقمت منتـه بقاويهـا
وحاجتك لاصار ماتقدر تنجزهـا
ازبن على واحد ساعـه وينهيهـا
والا تجود على صبر(ن) يعجزهـا
وتاتيك في وسط بيتـك ماتناديهـا
ولايتعبك طرد بنـت ماتجوزهـا
تتعب وراها وغيرك يهتنـي فيهـا
ولاتحسب أن الذهب بأي يدن يزهى
ترى الذهب مايغير لـون اياديهـا
وبعيونك العالم لاتقعـد تخزخزهـا
أحمد على العافيه وسلك مماشيهـا
والنفس حاول بحد اقصى تعززهـا
نفس(ن)بلاعزها مانـي مداريهـا
والمرجله ماتبي رجل(ن)يهاوزهـا
تبي لهـا واحـد دايـم يحاضيهـا
..........................
آه وطـــي حـالــي مـــن مـحـالــي طــــوي
طـويـت الـلـي طــواه الـيــاس لـيــن أنـطــوى
مـــن يـقــول أن غـيــر الله يـوجــد قــــوي
يـــاالله أنـــي دخـيـلــك يـاشـديــد الــقــوى
أنــت تعـلـم مـصـيـر الـنـجـم يـــوم يـهــوي
وأنــت مــن غـيـر عـلـمـك مـاتـهـب الـهــوى
راح عـمــري وأنــــا أدور عـشـيــر وخــــوي
ومــن يــدور مـثــل مـاقـلـت يـاكــل هـــوى
وليتـنـي عـشـت عـمـري لـيـن أمــووت أبـــدوي
ولـيـتـنـي مـاغـويــت وصـاحـبــي مــاغــوى
أشـهـدأنــه كــوانــي بـالــمــوده كـــــوي
لـيــن مـنــه أنـكـويـت وصـاحـبـي مـاأنـكـوى
وأشـهــد أنـــه لـوانــي بـالـمـفـارق لــــوي
لـويـت الـلـي لـــووه أثـنـيـن لـيــن الـتــوى
وأشـهــد أنـــه شـوانــي بالمـحـبـه شــــوي
شـويـت الـلـي شــوي بالـنـار لـيــن أسـتــوى
وصابر(ن)مـثـل صـبــر الـلــي عـلـيـه الـــروي
لـيــن لـحــق الخطرنـفـسـي وفـكــري خـــوى
والله أنـــي مـالــوم الـذيــب يــــوم يــعــوي
سـلـمـولـي عـلـيــه بــكــل رجــم(ن)عــوى
.............................
حفلت باللي غيب الشمس مناك
والصبح بأمره تطلع الشمس منـا
ان أسعد الايام شوفك ولقياك
وان أقشر الايام غيـبتك عـــــنـا
ودك تلاقـيني وودك بلقـيـاك
لكن ظروف الوقت مـا سـاعـدنـا
ولازلت أحبك واتحمل خطياك
ماني من اللي قال حـنـا وحـنـــا
شعر الغزل يصلح لمثلك وشرواك
وان غنت الورقي مع الصبح غنأ
........................
القلب ضايق والحنايا معاليل
وضاقت بوجه اللي على قد حاله
وفز الخيال وعانق الياس والويل
هبت هبوب وكل طاري طراله
وجاب السياسه .قلت هذي بهاذيل
وجاب الغزل .وقلت مالي وماله
وغنى على ليلاه .. ياعين ..ياليل
وكلٍ على ماقيل يتبع خياله
((قد قالها رجلٍ حروفه تماثيل
مازل حرفه لاضربلك مثاله))
كلش يهون الا الثلاث الغرابيل
المهزله .... والمسكنه ... والرذاله
المسأله امحلله دون تحليل
الليل لو يظلم يبيًن هلاله
والليله اللي ظلمها بيد الحيل
وصل شقاها لين حد الثماله
الظلم كافر والخطا نرفز الخيل
والذنب ذنب وكل بدعه ظلاله
لاوالله الا يازماني تهاويل
الذنب ذنبي يوم قلبي صفاله
كنت احسبنه باالمواقيف حلحيل
واثره سفيهن مايعرف الجماله
شربت من كاس المراره فناجيل
واليوم أشوف الظيم فاحت ادلاله
وسليت حروفي والمعاني مساليل
سيف(ن) ورثته من سلالة سلاله
ادخل على الله ماأسب المشاكيل
أرفع شموخ الحرف وأستر خماله
ماابغى حروفي تحت رحمة مهابيل
يشوم حرفي لاوصلت العداله
اخص ربعٍ تنقل القال والقيل
اهل النميمه والحسد والنذاله
صحيح باقي باالمواقف رجاجيل
وصحيح تلقى ... بالأوادم حثاله
..............................
حاصل على ترخيص من وزارة الثقافه والاعلام السعودي
عبدالله باتل الرشيدي
العرض العادي
