انس الزعل وآمر وماقلت مسموع // ملاحظة: مخصوص لك إنت بالذات؟

أتمنى أن تنال هذ
الشتوية
الذائقة الراقية
,,
,

في هاتفي رقمك لو الخط مقطوع=تعبت انااآعيد إتصال ورسالات
وين إنت وينك غايبٍ عنِّي اسبوع=هي سبعة ايامٍ ولكن طويلات
إذا عتب تراه يافلاااان مرفوع=وإذا تغلِّي كل مافات بك مات
لن الخطأ ياعزوتي منْك له نوع=تخطي بعدحيِّي واشوفه سلامات
لجل العطش والعيش والملح والجوع=تكفا حبيبي يالغلا إنس مافات
إنس الزعل وآمر وماقلت مسموع=ملاحظه مخصوص لك إنت بالذات
يازول خشفٍ قايد الريم متبوع=وعيون منهو كَشّ مخلابه الشات
لجلك أنا عن رغبة الغِيد ممنوع=ما ارضى بدالك من جميع الخوندات
إن غبت عنِّي وقتي آهات ودموع=وإن جيتني عيد الفرح والمسرَّات
فانت الضيا في دنيةٍ مابه شموع=وانت الدفا لانسنس البرد بسكات
حبك هنا في داخل الروح مزروع=ولن تبعدك عنِّي جيوش الولايات
تدري وش اللي يجعل القلب مجزوع=إحساس باعماقي به الشك يقتات
يبعد نهاية غيبتك عَنِّي اسبوع=أمسى يراودني وقلت أكتب ابيات
ببحور شعرٍ عمقها ميَّه وبوع=فيها سهولة بُعْد قُرب الصعوبات
واقول إذا المرغوب متبوع ممنوع=وش فايدة منعه ووضعه سهالات
في واقعٍ مايجعل الراس مرفوع=فيه الكبار بساحة العز ذرّات
فيه الصغار لفكر الاجناب مشروع=فيه العداله ذل والعز مأسات
فيه العروبه تسلك دروب وفروع=فرعٍ به التوبيخ وآخر إهانات
ليه البلاده والسبب ذل جربوع=جحره تَحَتْ مسرى إمام الرسالات
لو القناعه كنز بالناس مطبوع=ماصار فيه احزاب غدر وخيانات

******** type="text/**********">doPoem(0)***********.
وسلامتكم

و
سلامة أذواقكم

صح لسانك يابو حنان الشمري
تقبل مروري

صح الساانك وعتلا شاانك

صح لسانك يابوحنان على القصيده الرائعه

ابوحنان الشمري لو القصيده ماهي رائعه مانتقدتها وقلتلك صح لسانك وكفى لكن القصيده وراها شاعر متمكن لكن لي ملاحظات مثل ليه البلاده والسبب ذل جربوع ماكنت اتمنى ان يكون هالشطر موجود بهذه الرائعه 2_ كل مافات بك مات كلمة بك ضعفت البيت لانه جبرك الوزن على ادخالها فلوعدلت البيت وانت شاعر وقادر على ابعاد هذه الكلمه واعطاء المعنى المقصود 3_ تكفى حبيبي يالغلا انس مافات فيه ثقل بالبيت 4_ فانت الضيا في دنية ن مابها شموع وليس مابه واتوقع هذا خطا مطبعي 5_ الخوندات انا مادري شنو معناها لكن اللفظ غريب والظاهر تقصد الجميلات على حسب معنى البيت فلو عدلتها لكان اجمل هذي بعض الملاحظات اللي رائتها من وجهة نظري القاصره وانت اعرف لكن صدقني لوعدلت هذه الامور التي انا ذكرت سوف تكون قصيده كل من يسمعها تعجبه وتقبل نقدي بصدر رحب لاني لوماعجبتي القصيده ماانتقدتها

يعطيييييك العاااافيييه

صح لسانك ابو حنان الشمري يعطيك العافية...

لو القناعه كنـز بالنـاس مطبـوع =ماصار فيه احزاب غـدر وخيانـات
صح السانك وعتلا شانك شاعر متمكن
تقبل مروري ودمت بخير

لن الخطأ ياعزوتي منْك لـه نـوع

تخطي بعدحيِّي واشوفـه سلامـات

لجل العطش والعيش والملح والجوع

تكفا حبيبي يالغـلا إنـس مافـات

إنس الزعل وآمر وماقلت مسمـوع

ملاحظه مخصوص لك إنت بالـذات

صــح الســـان شاعرها ولا هانت يمين ناقلها

الإخوة والأخوات الأفاضل
:
أبوعبيد
وليد البراك
ثويمر العجوني
ذيب الفيافي
عزه البراك
فيصل المدوس
سعود العجوني
خفوقي أنت دقاته
:
صح الله بدنكم جميعاً
لقد أسعدني مروركم الكريم
وأضاء ت كلماتكم الجميلة
متصفحي المتواضع.
:
أخي
ذيب الفيافي
من لم يتقبل النقد أظن بأنه
لابد له من مراجعة نفسه؟
ونقدك له تقديره..وعلى العين والراس
.
**إقتباس**
لكن لي ملاحظات مثل ليه البلاده والسبب ذل جربوع ماكنت اتمنى ان يكون هالشطر موجود بهذه الرائعه
لا أدري ماهو مبرر تمنيك عدم وجوده ، فأنا أعني به تلك الحفر التي يحفرها اليهود تحت المسجد الأقصى المبارك على مرأى ومسمع من الأمة جميعها..
ولا من متكلم أو معترض
وهذه رسالتي في هذه القصيدة وأما المحبوب فقد ذهب عني بعيداً..
أسأل الله أن يستر عليه في الدنيا والآخرة..
:
فلا أدري هل إنتقادك لذلك هو:
من ناحية النظم أو الأدب واللغة؟
.
**إقتباس**
2_ كل مافات بك مات كلمة بك ضعفت البيت لانه جبرك الوزن على ادخالها فلوعدلت البيت وانت شاعر وقادر على ابعاد هذه الكلمه واعطاء المعنى المقصود
أحسنت نقدٌ في محله..ولكن القصيدة ليست قريبة العهد
فقد كتبتها قديماً وانتشرت..؟؟
.
**إقتباس**
3_ تكفى حبيبي يالغلا انس مافات فيه ثقل بالبيت
في رأيي أنه ثقل لايؤثر ، وربما غيره أفضل
وكما قلت سابقاً..فاتت؟
.
**إقتباس**
4_ فانت الضيا في دنية ن مابها شموع وليس مابه واتوقع هذا خطا مطبعي
لا ليس خطأ مطبعياً ولكن اللهجة تأتي هكذا
(مابه): ضمير يعود إلى دنيةٍ
في لغتنا..الشمرية
(:
وعلى العموم مثل هذا الحرف الناقص
يأتي عند إلقاءها ولولم يكتب؟
.
**إقتباس**
5_ الخوندات انا مادري شنو معناها لكن اللفظ غريب والظاهر تقصد الجميلات على حسب معنى البيت فلو عدلتها لكان اجمل
أظنك من أهل الكويت الشقيقة والدليل
شنو
(:
.
شكراً لك ايالغالي على ماكتبت
و
لولا النقد ماصار للحق ميزان
:
دمتم بأتم نعمة وأحسن حال
أبوحنان