السلام عليكم ورحمة الله وبركاته
اخواني الزوار الكرام
الشاعر سهل نافع المهيمزي من كبار شعراء النظم
تشرفت في هذه الابيات التي اسندها لي
يقول ابو سامي
ياغازي البراك راع الشهامه=اللي على فعله هل الطيب يثنون
له يابو يوسف قيمته وحترامه=وعن سمعته روس العوارف يحامون
من بينهم يبقى عزيزن مقامه=وفي مايسوي يابن براك يدرون
هذا وانا قلبي سجين الكرامه=سجن الابدتابيد في حكم مسجون
هاج الحنين ويقظه من منامه=ذكرن لها في سيرة الخلق قانون
يومن للبيضى بهلها علامه=حي الظمير بجوهر العدل مكنون
البريجذبني وطاه وعدامه=سحر الطبيعه لونها زينة الكون
البرونسة خاطري ونسجامه=فطره زمان بالارياف يرعون
******** type="text/**********">doPoem(0)***********
وهذا ردي على سهل
يراس ماوالله تجيك العمامه=مدام ماسويت لي قاف مازون
حتى لون الليل يسري ظلامه=يسري بي الهاجوس في صوت ولحون
رداً على اللي ماتجيه الملامه=واليا بدا قافه مصمم ومظمون
ياشاعرالمشهور مامن سلامه=الناس خلو كامل العقل مجنون
لكن ترى الطيب قويً حزامه=وعنه النشامى لاحضر مايصدون
الطيب وتقدير لاهل الزعامه=اللي على الميعاد والقول يافون
مايستوي للطيب راع الرخامه=لوكان ابوه وجد جده يطيبون
وقبل تحية صاحبك مع سلامه=تحية من قلب صادق وممنون
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
صوت من سهل المهيمزي وصدى من غازي البراك
العرض العادي
