قصيدة بالشيخ / ذرف بن فرحان المشعلي ألقيت بالحفل الذي أعده بقرية المحير في 4/6/1430هـ
آمل أن تنال أعجابكم
من هجوسٍ لها بالشعر لاجا مجاله=سجلت له حضور وميزت بالفرايد
اتنقى جزيل الشعر واترك هزاله= اقطف اللي يجمل من خيار القصايد
كل قولٍ على راعيه يحسب لقاله=عقب اللي لقال القول ماله وكايد
ادري المدح مايرفع رخوم وحثاله=ينقص المدح فيهم مايجي له زوايد
وان مدحت أمدح اللي جهد حاله وماله=يبذله والجزيله كسبها له عوايد
مثل شيخ يضلل بعد ربي ظلاله= صيرميا بفعل الطيب راهي ورايد
له فعولٍ تعد ويعرفه من عناله=اشهد انه ذرف لقام وقت الشدايد
بالمراجل تعلا واثقل الحمل شاله =الجزيله ذرف فيها تزعم وقايد
أبن فرحان لو بالطيب أعدد خصاله =جف حبر القلم ماوفى وصوفٍ عدايد
وارث طيب أبوه وارث طيب خاله=سيرة الطيب فيها دوم يرقى سنايد
من سلايل هل الوقفات وأهل الشكاله= مشعلي ٍ وطيب المشعلي له عوايد
طيبهم قبل هذا اليوم يوم الجهاله=طيبهم ينعرف ويعد بين البدايد
قالها اللي مع أهل الطيب تارد حباله=من رجال لها بالطيب ساس وبنايد
اتنقى جزيل الشعر لاجا مجاله = واقطف اللي يجمل من خيار القصايد
******** type="text/**********">doPoem(0)***********
ابو عبيد
حاصل على ترخيص من وزارة الثقافه والاعلام السعودي
ادري المدح مايرفع رخوم وحثاله
العرض العادي
