للشاعر
أبوفالح العنزي
البارحه عيّن عيوني ينامن=واليوم من عقب السهر وضعهن سي
من كثر ماهن للصباح يتحرّن=نجضت قلوب أمواقهن والحدق ني
ليا ادلهم الليل رسْل العَنا جَن=وامضيت ليلي بين آمر وناهي
مرسال ينهاني عن الشك والظّن=ومرسال يامرني بفتنة هل الغي
مدري أطاوع من واعصي على من=واصبحت ما اخذت القرار النهائي
متحيّر(ن)مابين ماابدي ومااكن=كنّي مصدّق شي ومكذّب(ن)شي
واللي نبي ماهو على مايبن هن=وآقول ماهي هي لو إنها هي
ماغير اعيد الذاكره وآتفطّن=في حاضري واللي فعلته بماضي
ليا عاد مابي ما يقولن الالسن=مادري مدوّرتْ الفتن وشتبي في
كلامهم خلاّ ضلوعي يلجّن=لجّة مخاليل(ن)لواها العطش لي
وردَنْ على عِدّ(ن)به العام شربن=يبست رواته مابها ريحة المي
ماغير هو..امن الموارد يخبرن=وتحارجن فوقه على حاجر الطي
ومن غربة الحاصل عظامي تثنّن=عجزن يشدّني على الارض رجلي
واللي ذهل عقلي وخلاّني انجن=خطيّة الميّت يعذّب بها حي
الميّت اللي مات مبطي ولادفن=جنازته بلوى ومن ناشها بلي
وان قلت هذا ليه كان وتكوّن=سِجّل علي أكثر من اللي غدا لي
مالي سوى صبر(ن)على سالفتهن=لو إنها تذبح وتجرح وتكوي
******** type="text/**********">doPoem(0)***********
البارحه نومي على أكواع وكفوف=عن لذّة المرقاد عيني عيوفه
يصدِف لها عن لذّة النوم صادوف=صادوفها قلب(ن) كثيره صدوفه
إن لف به في تالي الليل لافوف=أبعد كراها من هموم(ن) تلوفه
يطلع وينزل بي بعهن(ن) من الصوف=عهن(ن) تبلّت كَنَّة القيض صوفه
مرّات ياقف بي على شفَّة الخوف=في ماقف(ن) كل الافاعي تحوفه
ومرّات يمشي بي على درب معطوف=ونهايته عن مابغيت معطوفه
ولا ادري يحصِّل مايدوِّر ورى نوف=والله يحده عن هوى نوف نوفه
راع الجناح اللي من الريش منتوف=في ماقفٍ حلَّت عليه المروفه
لي لاف ولاَّف(ن) بلا ولف مالوف=إيلا فها زاد الكلوفه كلوفه
بيّنت متخفِّي و خفّيت مكشوف=و حذفت نص الاوله من حروفه
لا تاقع الشبهه على حروف بحروف=وآقف بميقاف(ن) يكلّف وقوفه
واللي يدبّر وال الاقدار مشيوف=لو ساعة المقسوم غير معروفه
محد(ن) قضى مُعظم حياته بلا ظروف=ولا كل رجَّال(ن) يجاحد ظروفه
وانا جحدت اللّي من المتن للجوف=جحدت جرح(ن) يجرح اللّي يشوفه
والحذفة اللّي تلمس الجسم وتطوف=ماظنتي نفسي عليها زهوفه
جحدتها لو جاتني مثلها الوف=مادام ماهي بالجبين امحذوفه
ماني ضعيف اطرد ضعيفه ورا ضعوف=والفايته ما الحق وراها حسوفه
من شان رجَّال(ن) مع الناس معروف=من شوفته تعرف بقايا وصوفه
يشوفه اللّي فاقد الشوف مايشوف=ونوب المفتّح ياصله مايشوفه
عليك عرفه يا راع العرف لايطوف=وان ماعرفته معرِفَتْك امعيوفه
سميت من ياقف مع الحق ملقوف=ومن لايعرفه وش تسمّي صنوفه
جلسة خَلاَ لو هي على راس شفشوف=أخير من مجلس تزامت ضعوفه
تمّت ومايبقى النظرعَنهْ مصروف=ونْهاية الغزوه تسمّى نكوفه
******** type="text/**********">doPoem(0)***********
ماينسّيني هموم(ن)بها الصدر إمتلا=غير من فكيت له باب قلبي ودخله
سلوتي عن ضيق بالي وانيسي بالخلا=طب قلبي عن جروح(ن)جداد ومسمله
الحبيب اللي بنى له بقلبي منزلا=منزله وحده لحاله وغيره مانزله
حل حبه داخل القلب عن كل الملا=مالك(ن)عقلي وروحي وكل ماملك مِلْك له
كل ماشفته تريَّح ضميري وإنجلا=همي اللي لو دخل قلب غيري يقتله
للهوى العذري مجاريح عدّه وقتلا=وما ذكرت إِلَهْ دلايل كثيره وامثله
صابني ماصاب مجنون ليلى واشكلا=وغير مِشْكِلة الموده وقعت بمشكله
مشكله(مااصبر عن اللي بحبه مبتلا)=ومشكله(عندي قريّب وممنوع آصله)
غير عيني تسبره كل مااقفى واقبلا=يجهل اللي صار لي واجهل اللي صار له
بين نيران الحواسد ونيران الغلا=كل مااركي لي على نار قلبي تاكله
حالتي حالة مريض(ن)عظامه نحّلا=في شبابه صار همّ(ن)على من ينقله
أشرقت شمسه بصحه وغابت ينقلا=جيب للدكتور واقنع عدم طبه هله
حالة(ن)ياسف لها الجن ووحوش الخلا=والسما والارض والخلق كله باكمله
والبلا والخوف كنّه فراق مطولا=حر نار فراق الاحباب ما نتحمّله
كل ما تشرف على الموت حالي وازملا=إستعيد الروح للروح يوم أتخيّله
آيف الخصرين ناب الردوف الاعزلا=في خيالي ماخَلق خالقه من يمثله
نافل(ن)جيله وجيل(ن)مضى والمقبلا=جل من زوّد جماله جمال وكمّله
له عيون(ن)حور زادت حلا وجهه حلا= وإن نظر للشمس عِكش الرموش تظلله
إن تقفّاه الهوى زاد بلوايه بلا=وان تنطّحهْ الهوى خم قلبي ونتله
فيه وصف وشبه كامل من ظبي الفلا=يعلم الله لو تشوفه معه ماتعزِله
******** type="text/**********">doPoem(0)***********
حاصل على ترخيص من وزارة الثقافه والاعلام السعودي
روائع لم أجد غيرها لشاعرها !!
رد: روائع لم أجد غيرها لشاعرها !!
العرض العادي
