من روائع التميمي

حمد السعيد ،، وقصيدة فاقت حدود الجمال



،،




وجودي وجود اللي حداها الذرى والشبك

شعتهـا البـروق وذكرتهـا مرابعهـا

تكسر عبايرها وتـرزم رزيـم ودبـك

عطت عمرها لامقدم الشبـك جابعهـا

ولا تسمع ألا عوقها يوم قال أبك أبـك

ولا صبحـت لا راعـى الـذود بايعهـا

على اللي سكاكينه تحبك المفاصل حبك

وقامـت مـدورة الفقـارى تقاطعهـا

وجودي عليك ووجد حالي وياما اصعبك

ظروف حدتني عنـك مانـي بطايعهـا

أيا واحدٍ لـوك بعيـدٍ علـيّ مقربـك

سكنت العيون وكـن قلبـي منازعهـا

ولا من ذكرتك يالغلا والزمن قال إبـك

تداريك عينـي يـوم تـذرف مدامعهـا

تخاف الدموع بسيل الأشواق لا تشربك

وتفقد عيوني صورتك وأنـت طابعهـا

أنا البارحة لاني بخاسـر ولا كاسبـك

وتلعب بي الفرقا على روس أصابعها

تذكرت بيت أوحيتـه العـام ويناسبـك

وأظنـه يناسـب حالتـي ياملوعـهـا

بدون إلتزام بمذهب القافيـة والسبـك

وكـل احترامـي للقصيـد ومراجعهـا

( عسى من حداني عن وليفي وأنا باغيه

تحده ذنوبه مـا يجـي بـارد الجنـة )

على البيـت هـذا والضميـر إن بـدا يأنبك

فلي رغبة مدري متى كنـت تشبعهـا

أيا السالب اللي من عرفتك وأنا موجبك

ولا وين نفسي عن مواصلـك تمنعهـا

ياليت الليالي في مكاني شهـر تقلبـك

وأصير بمكانك وأنـت ليتـك تجرعهـا

مرارة فراقك يمكـن تحـس بمعذبـك

ونفسك عقب طول المفـارق تراجعهـا

كتبتك بعمري بس أخاف الجفا يشطبك

ولا من شطبك الوقت رح عـاد رقعهـا

زمن يا مفرق شمل الأحباب أنا بشاربك

قلوب الولايـف ليتـك اللـي تجمعهـا

كفانا قساوة خطوتك يا زمـن طالبـك

وسومك على وجيه البشر من مدامعها

حداني على طرق التوجد حبيسـة شـبك

سنا البرق ذكرهـا الولايـف وضيعهـا

سنه والصفر لا روحـت وارده تطربـك

ولكـن طويـل الوقـت عـيا يطبعهـا

وأنا مثلها رغم الجفا ما قدرت أشطبـك

عيوني على فرقـاك تـذرف مدامعهـا

،،



وسلامة الجميع

رائعةٌ تلك الباذخه ..
صح لسان قايلها
وسلم بنان ناقلها
دمت بخير مع التحيه
دلوعته
:

شكرا لك عاشق على الاختيار الموفق ولك مني اجمل تحية عطرة

وانت سالم ان شالله

صح لسان الشاعر وسلمت يد الناقل

تقبل مروري ,,,

مشكوووووور والله يعطيك الف عافيه

الجميع


مروركم زاد القصيدة روعة وجمال

الف شكر

على المرور العذب

شكرا لك عاشق على الاختيار
الموفق ولك مني اجمل تحية عطرة