محاورات رائعة وممتعة جدا من اختتامية حفل مسابقة برنامج الشاعر الحقيقي للموسم (2)

[URL="http://www.almlf.com"][/URL]
ناصر عياضه الرشيدي


غازي مناور البراك


يوسف محمد الحربي


دليل مرزوق الرشيدي


فوزي بن مربح


طامي مهل الرياحي

فرحان منصور الرشيدي

محاورة بين الشاعر / دليل الرشيدي و الشاعر / طامي الرياحي في احتفالية برنامج مسابقة الشاعر الحقيقي للموسم الثاني 6 /8 /1432هـ

* دليل
في محل أخوي سيـــــف استأذنا الإعلامي *** مرحبا ترحيبةٍ صوت الكرم يــــجذبها
جيت أنشًد من هو أول واحد من أخصامي *** قالوا رياحي ولحيت زيد من شاربها
* طامي
من هواجيسي وقلبي وكتـــــــــــب أقلامي *** البقاء للعزوة اللي طيبٍ منســـــــبها
بعد ما جيتك تفضـــــــل عطني الأعلامي *** والعرب وحضارها تكفيك عن غايبها
*دليل
ارحم الله الفقــــــــــــيده والبقاء في طامي *** لو طامي مهرته ياعبـــس ما دربها
القرار اللي سمعته كا القرار السامي *** ميـــر أنا لو شفتها حلفت أنا مكتبها
* طامي
يرحم الله الفقــــــــــــــيد محطم الأرقامي *** سرت مع ممشاه والطالة نبى نكسبها
فيه رامي محترف مدري مـــساعد رامي *** يوم جتله تلها غصب ولوى مخلبــها
· دليل
أدري أنك فارسٍ ميـــــر الفشق بحزامي *** والرجال رجال تعرفها حسـب واجبها
يوم أنا وردت لكن ما لقيــــــت الظامي *** كيف يالظامي على قشر الزمن نكربها
· طامي
أنت لا خويه ولا عمي ولا من أخصامي *** واحدٍ من عبـــس ياقف والعرب تندبها

محاورة بين الشاعر / طامي مهل الرياحي و الشاعر / ناصر عياضه الرشيدي في احتفالية برنامج مسابقة الشاعر الحقيقي للموسم الثاني 6 /8 /1432هـ

· طامي
سلام الله على اللي طيبهم مشهور **** رجالٍ تاخذ الجزله وتعطيها
أريد الشاعر اللي قبلي جالـــه دور**** لعل أصحابنا ترجع لماضيها
· ناصر
آلا يا مرحبا ترحيب مـــــثل النور**** ينور باقي اللـــيلة ونمشيها
تسمًع واستمع واللي مضى مخبور**** تطيب أول ليالينا وتالـــــيها
· طامي
يقولون العرب جاء فالمور أمور **** أمور المعرفة أولها وتاليــــها
أنا خابرك رجالٍ تحكم الـــشور **** لكن تظهر مخاليبك وتخفـــيها
· ناصر
أنا ونته في بيت الوالي المعمور **** عسى الخلاق ينجينا وينجيها
يدورن الليالي والسنـــين أدور **** كسبنا الطيبة والا نســــميها
· طامي
تمر البيت وتعٌود عجل للدور **** ضارب عبس ما تقدر تخــليها
ليسميتها بقول لك مشــكور **** ولو كبيتـــــها غيرك يبديــــها
· ناصر
تذرى في حضن والموقع المشهور**** مضارب عبس تكفيني وكفيها
لون الآدمي يحسب لنفخ الصـــور **** فلا فاتت صـــــــلاة إلا يصليها
· طامي
مضارب عبس أجيها والخبر مخبور **** ولكن حضن ما تقًرب حويلها
عسى ذنبك على طول الدهر مغفور **** لكن رد الحصاه اللي تدربيها
· ناصر
تجيها وانت حكم المنهي المأمور **** وأنا ديرتك لا جيـــــها ولا ابيها
عصاكم يالرياحي عودها مشقور **** تسويها ولا ربك مســـــــــويها
· طامي
أجيها حسب أصول وبيرقي منشور **** لكن حصلت حاميها حراميها
إذا منا غزينا جيشنا منــــــــــصور **** جديد أفعالنا يشهد لماضيها
· ناصر
أعدل في العيون العمي قبل العور **** ما تأخذ حاجةٍ مــا الرب ناويها
ما قول أبكم ردى مير الرجال بحور **** بحورٍ يغرق الســابح مثانيها



محاورة بين الشاعر فرحان منصور الرشيدي و الشاعر / غازي البراك في احتفالية برنامج مسابقة الشاعر الحقيقي للموسم الثاني 6 /8 /1432هـ
· فرحان
يا مرحبا من هجوسٍ ما تخون الضمير * * *رديةٍ تشغل العالم عن أشغالها
الليلة الملــــــــعبه فيها كـــــــــلامٍ كثير * * *وظن شعارها ما ضيقوا بالها
· غازي
ابك البقاء يا لمرحب وانت شاعر خطير * * * رديةٍ بالمعاني واســــــعٍ بالها
الليلة الملـــــــــــعبه بنتٍ بلبس الحرير * * * الله يقدرك يا فرحان في مالها
· فرحان
الليلة الحمل كايــــــد فوق ظهر البعير * * * يصغر ويكبر ويحذفها ويشتالها
لمنها زعلتــــــــني ما تــبشر بخـــــير * ** اطا على خشمها يا اللي تحلوالها
· غازي
الله يعينك على حكم الزمن والمصير *** الشجرة اللي تضلك جود أضلالها
حنا وصلنا القمر وانته تسوق البعير *** وتعاين الحرة السوداء مع إسهالها
· فرحان
الله يعز الحكومه يدعـــــمون الشعير *** حقيــــــقةٍ ردها عن شـــــاعرٍ قالها
الليلة اللي تعرف هلالها من عصير *** دارت عليك السنين وقًـــــرٍب هلالها
· غازي
الله يعز ابو متعب ما بحـــــكمه فقير*** حتى العجايز تجيب شعير من مالها
إن كان تبغى التحدي شب نار السعير*** نبغى النشاما تصيح وتحذف اعقالها
· فرحان
الحكم لله ولبن سعود ما نته بخشير*** المــــــزنه اللي عليك يهــــل همالها
إن كان ولعتها ما لك مفر ومطير *** تغيب بك نــــــــــجد يالبراك وجبالها
· غازي
حنا حميناك بالشلفاء وسيفٍ شطير *** الكلمه الصــــــايبه موجود معدالها
ما ذم ربعك نعم لصار يوم كبير *** عيال مظبـــــــر نعم معروفٍه أفعالها











محاورة بين الشاعر يوسف محمد الحربي و الشاعر / فوزي مربح الرشيدي في احتفالية برنامج مسابقة الشاعر الحقيقي للموسم الثاني 6 /8 /1432هـ

* يوسف الحربي
ســــــــلام ياللي مجدهم دوم ما غاب *** أهل المكارم والسيوف الحدادي
فوزي خصيم إلي ويحسب لي حساب *** لونــــها ما هي بغـــــاية مرادي
· فوزي مربح
يا مرحبا ترحيبةٍ كلــــــــــــها أبواب *** تصــــلح لكم في حر والا برادي
ما قول لك صادق ولا قول كــــــذاب *** غنى السليمي يــوم غنى القلادي
· يوسف
دام البقاء وانته على الـحق تنثـــــاب *** كـــلمه حقيقه قلتـــــها من فوادي
ارتاحت العــــالم بعد ذبحت الــــداب *** لونها ضاقت على احــمد نجادي
· فوزي
يا صاحبي يا غير عن كل الاصحاب *** الله يجيبك في ليــــــال الهجادي
تجيلها واقـــــول ياكثــــــــر الاسباب***اللي بقى في الدرب عاشر وحادي
* يوسف
تــــــعال يا رجــــــال للحق طــــلاُب *** في الماضيه والا اليـال الجدادي
طال المدى والمجتمع فـــــكر وشاب *** ترى السوالف هـزت الاقتصادي
· فوزي
من بعد غاب الغايب عَنك غــــــــاب ***عســـــاك تطلع مع هذيك المبادي
يا حرب شفنا بآخر الوقت حـــــراب *** من يمكم شفنا بيــــاض وسـوادي
· يوسف
هاذي بليا شـــك ونجيــب الألقــــاب *** حنا لها ليمن نـــــادى المنـــــادي
عليك يا فوزي من الهــــرجه عتاب *** وإن قلت عادي قلت ما هو بعادي
· فوزي
الوقت له مضمون والعلم ينســــــاب ***جُود شدادك وانت راعي الشدادي
مسموح لك لفه ومخرج ومجـــــناب *** والعلم واضح يا طــــويل الأيادي
· يوسف
وقتٍ على النـــــاسِ تقلـــــب تقلاب *** هذا الصحيح وذا الكلام الـوكادي
ميــــر الحقيقه كلنا ضـــد الإرهاب *** خل التغطـــــراسه وخـل العنادي






محاورة رباعية بين كل من :الشاعر طامي الرياحي والشاعر يوسف الحربي و الشاعر / فرحان الرشيدي والشاعر غازي البراك في احتفالية برنامج مسابقة الشاعر الحقيقي للموسم الثاني 6 /8 /1432هـ
· طامي
ابتدى القــاف الرباعي وبتــــدينا*** والسيوف حداد والطرقه طويله
· يوسف
أنت يا غازي متقرب من عصانا *** وانت رأسك معتدل ما فيه ميله
· فرحان
لو تشوف النار تاكل من حــطانا *** غيــــر خلاق البشر لا تشتكيله
· غازي
في عزاوي عبـــــس حنا لعتزينا *** ما تخوفنا على الدنـــيا قبــــيله
· طامي
إن كلتكم نار حــــيه ما علــينا *** ترى سرجنا ثابت على ظهرالكحيله
· يوسف
نعرف الساحة ولا نعرف ديانا *** يجهل الســــــــاحة من يبيع البليلة
* فرحان
كان ما تعرف خطاك ولا خطانا *** ضعت يالساري وضعيت الدليلة
* غازي
والله إنا عنك حـــــــــنا ما درينا *** ابك حنا اللي نجيب المســــتحيله
* طامي
لو خطاكم ما شيه ممشى خطانا *** كان تاصل للــــــعلاقة والوسيله
· يوسف
أكثر البــــراك يا ذيب قصـــرانا *** لا تـــحيُل ثم تضويلي بحـــــيله
· فرحان
لا تحسبنك عن الــدرب تـــحدانا *** انت والله ما وراء ليلتك ليــــــله
· غازي
دام بالمــــــــيدان لا تشره علـينا *** مالك إلا زند في خــــــشم الفـتــيله
· طامي
اكتـــفينا من ســــوالفك اكتـــفينا *** ودنا بشــــعيل حمــــله يرتكيــله
* يوسف
بعد ما درات على راســك رحانا *** عطـــني التاريخ وعطيــكم دليله
· فرحان
كيــــــف تنهيها وحنا ما نتهــينا *** لا تســــويها على الجمهور حيله
· غازي
أنت يالحربي تحت رايــت للوانا *** أنشد اليامي وانا العــــــاقل قبيله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ
سنوافيكم لا حقا بالمحاورة الرباعية بين ( ناصر – طامي – يوسف – فرحان)

أولا أهني جميع أعضاء الموقع وجميع الزائرين بموقع الجميع بقرب حلول شهر رمضان المبارك وأهني خاصة الشعراء الذين أتحفوناوأتحفوا الحضور والجماهير الغفيرة ذاك المساء في برنامج مسابقة الشاعر الحقيقي للموسم الثاني وأشكرهم من أعماق قلبي الصادقةعلى إنجاح الحفل بصورة لائقه ونتمنى لهم التوفيق ولسداد في الدارين دار الدنيا ودار الاخرة

صح لسان الشعار ومحاوره رايعه
والف شكر ياسيف على النقل المحااوره
وكل عام وانت بخير
ومبروك عليك شهر رمضاااان.

الله يدوم لكم الافراح والمسرات يابو مهند اشكرك على جهودك حفل مرتب والصفوف الحيه تجعل الشاعر يبدع
ويلعب صح السان جميع الشعراء


وحب ازود الموضوع بهذا المقاطع لي انا والشاعر فرحان منصور في حفله عندالمظابره بعد حفلة سيف وحب اوضح ان المقاطع والله العظيم اني لم اعلم
بتسجيلها المقاطع مرسله علي من جمهوري وهذا التوضيح من شان مايزعلون على الشعراء لان هذا الطاروق رباعيه معنا الشاعر مصلح سحيمان والشاعر فضي فالح



رد فرحان

الف شكر على التغطيه

بيض الله وجيهكم يالشعار ..
الف شكر ع تنزيل القصائد ،،
الـــ ع ـــالـــ م ــــي "

أنا أعتقد أن الصفوف لا تتحمس إلا مع الشعراء الحماسيين والبارزين في الشعر والمعاني
أمثال الشعراء / ناصر عياضه - غازي االبراك - طامي الرياحي - فوزي مربح - فرحان منصورالرشيدي - يوسف الحربي - دليل مرزوق الشويلعي -

صح لسان الشعار ومحاوره رايعه
والف شكر ياسيف على النقل المحااوره
وكل عام وانت بخير
ومبروك عليك شهر رمضاااان.

صح الله السنة الشعراء البارزين
وشكراً لك ياسيف على النقل والتنسيق وتقبل تحياتي وتقديري

صح الله السنة الشعراء البارزين
وشكراً لك ياسيف على النقل والتنسيق وتقبل تحياتي وتقديري