وصل ركب الرحيـل لشاطـئ الغربـة ودار اجنـاب
بعد طول الطريق اللـي تمـادى.. واتعـب اركابـي
ضحك وجه المدينـه للمسافـر والوجيـه أغـرااب
وانا عابـر سبيـل وضحكتـي ماصافحـت نابـي !!
وقفت انظر على شط المدينه .. والجـروح أسـراب
ولعنت ( أم الحنين) وسالت الدمعه علـى اهدابـي !!
هنا كنت الغريب .. بـلا حبيب..ولاوطـن ..واقـراب
حزين وماقدرت اجمع شتاتـي ..واحسـب حسابـي
حداني للسهر جرح(ن) سجني بين نـاااب .. ونـاااب
وتركنـي بيـن صمـت الذكريـات بصفحـة كتابـي
حبيبي والغلا جـرح(ن) ذكرتـه وانفتـح لـه بـاب
وانا لوماذكرتك وانـت ناسـي .. ويـش يبقابـي ؟.
صحى هم الفـراق ..اللـي فتـح للذكريـات ابـواب
وغفيت وماصحيـت الا وطيفـك يطـرق ابوابـي ؟
حبيبـي ترسـم الغيمـه ملامـح وجهـك الجـذاب
واشوفك وين مالـد النظـر مـع كـل هندابـي !!!
ذكـرت اول لقـاء فيـه اجتمعنـا بالغـرام احبـاب
اليـن آخـر لقـا منـه افترقنـا .. وآخـر اتعابـي
فداك الجـرح ياوجـه(ن) تركنـي للمـلام وغـاب
بقاله فـي حياتـي طعنتيـن .. وجـرح ماطابـي !!
انا اللي كنت اضيع بنظرتك شوق..ووله .. واعجـاب
واظيـق بغيبتك..وتظيـق بـي دنيـاي ..وثيـابـي
عطيتك قلب ..واشواق..وحنين ..وفيك ظنـي خـاب
احسب انك تمنى رجعتـي.. واثـرك تسلـى بـي !!
تبعتك مثل ضحضاح السراب ..وجيـت لـك مرتـاب
واشوفك مثل الامس المستحيـل .. وباكـر الغابـي؟
حبيبي وانت ماتسوى ملام..ولاانـت قـد عتـاب !!
تعداك الملامه .. والعتـاب.. و(شرهـة ذيابـي ) ؟!
خطاي اني تماديـت بغـلاك .. وماحسبـت حسـاب
احسب ان الوفاء طبع البشر .. واحبابـي ..احبابـي
وعزاي اني ردعت القلب ! عن باقي غلاك وتـاب!!
وصحى في داخلي طفل(ن) غرير .. وشايب اعرابي !!
حبيبي للصبـر بـال(ن) طويـل وللجـروح اسبـاب
وانا مارحـت ادور للجـروح .. اعـذار.. واسبابـي
حبيبـي يـوم شفـت ان الزمـان برجعتـك كـذاب
تركتك للتجافـي .. والغـرور .. بزحمـة اصحابـي
رحلت وقلت اسافر عنك ..واجزيك الغيـاب ..غيـاب
واببعد واستريح من السهـر.. واريـح اعصابـي !!
هجرت ارض الجروح ابغى عن تراب الجروح..تـراب
عساي انساك ..وانسى رجعتك .. والجرح.. وترابي!!
يطيب الجـرح والا ياعسـى جـرح الهوى..ماطـاب
تفضل هاك جرحك..واستريح .. وجرحي اولى بـي !!
طلع صبح الفـراق بشاطـيء الغربـه ودار اجنـاب
ولعنت ام الحنين وسالـت الدمعـه علـى اهدابـي!
الشاعر / عادل الذيابي
حاصل على ترخيص من وزارة الثقافه والاعلام السعودي
شرهة ذيــــــــــــــــابــــي
العرض العادي
