الشاعر .مرشد البذال يرثي نفسه

يحول أشوف الحق جتني طروشه = جتني مطاليبه وانا عنه منحاش
اليوم كن بداخل الصدر هوشه = مثل اختراش الريم في داخل الجاش
يالله عسى عطفك ولطفك نحوشه = يالله بحسن الخاتمه عند الاقراش
دنياك لو تعطيك زين المعوشه = تالي سوالفها تعود على ماش
ياما خذينا بأول العمر شوشه= وياما مشينا في مظاهير وأدباش
في خايعٍ وبل الثريا رشوشه = نجن الزبيدي في صحاصيح ودشاش
وياما جلسنا مع مرودع نقوشه = في سهلةٍ ماحدرنا زل وفراش
في وسط روضٍ مخضراتٍ خفوشه = نبته جديد ومبعدينٍ عن الطاش
نبنوب لا خبله ولا أهي مخروشه = عنق الفريد ان ذيره زول حشاش
قامت تخاطبني بنفسٍ هشوشه = بس الكلام وعرضه أبيض من الشاش
بسرار في وسط القلوب مخشوشه = بين الثنين ولا درى عنهن الواش
ربعة وفا ولا السلب ماننوشه = ماني لوجه معذب الحب خماش
واليوم مالي مع هل الصيد نوشه =عطيتها غيري بلاسوم ببلاش
عند الطبيب وصار عندي وحوشه =ومن الإقامة صابني خوف وخراش
ذالحين شفني جالسٍ عقب دوشه = أصلب عضاي وكن بالجسم هشهاش
خليت ديواني ومجلاس حوشه =عقب المعزة ساكنٍ دار الإنعاش
والنفس ضاقت عقب ماهي بشوشه =مثل المقيم اللي على نو مطراش

******** type="text/**********">doPoem(0)***********

الله يرحم مرشد وبيض الله
وجهك على جهود

اولا_ بسم الله الرحمن الرحيم حقيقة هذه اول مشاركه لي وهي الرد عليك يالرشيدي ولد عبس واتشرف بالمشاركه في منتداكم العظيم واتمنى له التقدم والرقي ثانيا_ ردي وهو ان الشاعر اسمه مرشد البذال وليس البذالي شاكر لك اخي العزيز هذه القصيده الجميله والى الامام ياولد عبس

رحمة الله عليه وتغمد الله روحه بواسع جناته
وابيات في غاية لروعه والجمال وماهو الا مدرسة الشعر
واما اسمه فهو :ـ
مرشد سعــد البذال العجرمي الرشيدي
نامل تعديله من البذالي الي البذال
وهو من الشعراء المخضرمين الذي
اعطي كثيرا من الحكمه بكل
ماتطرح له من قصائد
كل الشكر والتقدير
للرشيدي ولد عبس
علي طرح هذه الابيات
الجميله وشاعرها
غني عن التعريف
احترامي
القلادي الثابت

السلام عليكم
كيف احصل على جميع قصائده
الشاعر مرشد البذال والشاعر صقر النصافي والشاعر عايض الابتر

اشكريك على طرح هذه القصيده رحم الله شاعرها واطال الله في عمرك على طاعته
اشكر الاخوان على الملاحضه تم التعديل

الله يرحم مرشد وبيض الله
وجهك على جهود

صح لسان الشاعر

الله يرحم مرشد وبيض الله
وجهك على جهود

الله يرحمة ,, وشكرا على المجهود