سبت لطيف الروح قصوا معاشي
والتاليـة فنشـت مـن سبتـلـه
ابو ثمانٍ مثـل حـب القماشـي
ماقص مـن خرجيتـي فدوتلـه
مابي عملكم ريحوا منـه جاشـي
واخذوا معاشي ياهل الشغل كلـه
مزهبن شغلي وطـاوي فراشـي
وهذي سوات اللي نوى شوف خله
من سار فالدنيا مع الناس عاشي
كل ورزقه ياصلـه فـي محلـه
الرزق عند الله منشي الرشاشـي
اخير من قصر القصـا والمملـه
قصرٍ يمينه مع يساره عشاشـي
منه يشيب الرجـل قـدام حلـه
نبي نخـاوي مبعديـن المعاشـي
خـدٍ جماعتنـا تجيـه وتـدلـه
واشوف من قلبه صخيفٍ هشاشي
اللـي بقلبـي ثـابـتٍ مـنـزلله
مبيّـنٍ حبـه ولابـه خشـاشـي
حبه علي وضح النقا منصح لـه
حليتهـا ريميـةٍ يابـو نـاشـي
القايـده لصيـد دقــه وجـلـه
هجت تنوش القاع قدمه نواشـي
والصيد كنه مـن وراهـا تجلـه
اللي زها خـده دقـوق النقاشـي
ياحلـو دقـاتٍ حـدر مبسملـه
بالهجس ولا منه ماشفت اناشـي
ابو جديلٍ فـوق الامتـان هلـه
خده كما برقٍ سرى لـه تواشـي
في ليلة الغـدرا نشـت مزنتلـه
يفرح بها راعي القطيع العطاشي
وقـف يخايهـا وهـي مستهلـه
اقولها والصبح ياسعـود ماشـي
وهذي علوم اللي نوى شوف خله
حاصل على ترخيص من وزارة الثقافه والاعلام السعودي
للشاعر شبيب جعيلان الدقباسي الرشيدي
العرض العادي
