تغطية زيارة الشاعر مبارك بن منيرالعوني الحربي لديوان الشيخ محمدعبيد بن عجوين الرشيدي

	دعى الشيخ /محمد عبيد بن عقيل الرشيدي الشاعر / مبارك بن منير العوني الحربي لزيارة وديه واستجاب لدعوته وحضر برفقته الشيخ / سالم بن زويد الحنيني الحربي وابنه الشاب منير بن مبارك حيث اقام الشيخ محمد بن عبيدمأدبة العشاءالمعده لهذه المناسبة ليلة السبت الموافق 17/5/1434 هـ بمنزله الكائن بمحافظة المجمعة حيث تشرف الشيخ محمد بن عبيدبزيارة هذا الرجل كما وجه دعوة لصاحب موقع الجميع موقع الشاعر الكبير غازي البراك الذي شرفنا بحضوره كما حضرالشاعر الكبيرالشاعر عوض بن خيران الرشيدي والشاعرالمبدع دحيم بن فرحان الرشيدي حيث كان لشعر بحضورهم بعد تبادل الترحيب والأحاديث حيث كانت البدايةعند الشاعرالمتألق عوض بن خيران الذي أبدع واطرب مسامع الحضور وشد الانتباه والإعجاب به بتفاعله مع القصيدةأثناء الإلقاء حيث بداالمشاركه بالجديد من قصائدة يقول

منقــذ الروح

يالله يالمعبود يامنقذ الروح= ياللي بليت ايوب ونقذت روحه
يامغرق (ن) فرعون ومنجين نوح= يافزعة اللي قاصرات (ن) اشبوحه
يالواحد اللي باب رحمتك مفتوح= اطلبك بس المغفره والسموحه
والادمـي خيـره وشـره علـى الـلـوح=وجـمـيـع مـاســواه يـكـتـب بـلـوحــه
وتلقى الشفاحه عند حاسد ومشفوح=والشح يلقى عند ناس (ن) شحوحه
والذاكـره تاخـذ معـك وقـت وتــروح=والادمــي وش مسـتـواه وطـمـوحـه
يارب انـا مخطـي ومذنـب ومجـروح=ولـولاك جـرحـي ماتضـمـد جـروحـه
اذنـب وزيـد اذنـوب وتـفـوح وافــوح=فوحـه وتكفـي عــن ثمانـيـن فـوحـه
ويالله يالـمـعـبـود يـامـنـقـذ الــــروح=ياللـي بلـيـت ايــوب ونـقـذت روحــه

******** type="text/**********">doPoem(0)***********والمشاركه الثانيةقصيدة من القصائد القديمه اختارها لنا
لاتخون بالاصحــاب

يالله برزق ٍ ماقفل دونه الباب= لاباب من دوني ولاباب دونه

بيت مقول بس حكمه وجذاب= أخر ضنى حنه وحنه حنونه

والله يفك ارقاب من موت وانشاب= ون عانك الله ماتبي غير عونه
الرزق مـن عنـده وتحريـك الاسبـاب=ولياعـطـاك اغـنـاك والـكـون كـونــه
يامـا عطـى الجنـه بـلا مـن وحسـاب=وعـفـوه وغفـرانـه ولالـلـك مـهـونـه
وهبـة ونفـخـة روح والــرب وهــاب=بجـلالـتـه وامـــره وكــافــه ونــونــه
وحنـا نغـيـب وعــام الغـيـب مـاغـاب=وحـنــا ذنــوب اكــبــار يالله بـعـونــه
ون مـات ابــو شـبـاب ينـعـاه شـبـاب=نفـسـه تـمـوت ولا تعـيـش امغـبـونـه
ولاتخون بالاصحاب تحتاج الاصحاب=ومــن مايـخـونـك لاتـحــاول تـخـونـه
والله يفك ارقـاب مـن مـوت وانشـاب=ون عـانـك الله ماتـبـي غـيـر عـونه

******** type="text/**********">doPoem(0)***********

ثم دار لقاء الشعر مع صوت عبس الشاعر الكبيرغازي البراك الذي أبدع واشد
الانتباه له باختيارهلقصائده بقوله للدين والوطن والقبيلةحق على الشاعر
ويحق لشاعر أن يفخر و يمدح ويشيد بهماحيث شارك بقصيدته التي تحمل
رسالتين للدين والوطن قال فيها

دون دار الرسول

يــا الله أنــي طالـبـك ياكـريـم ويامعـيـن= تحـفـظ أبـــلادً نـصـلـي بـكــل حـدودهــا
يـذن الـمـذن وصـوتـه يـصـح النايمـيـن =والـجـبـاه مـنــوره نـورهــا بسـجـودهـا
يـابــلادي يـابــلادي تـرانــا حـاضـريـن=كـان شبـت نــار حـربـاً يـدخـن عـودهـا
مرخصين الروح والمال دونك من سنين =واليمـيـن الطائـيـلـه مـقـصـراً زنـودهــا
تحت حكم اللي بهم خير في دنياء وديـن=الـبــلاد مـكـرمـه والـسـعـود سـعـودهــا
نحـمـدالله دام حـنـا نـحـرس المسجـديـن =والمـنـايـا دون دار الـرســول ورودهـــا
جيشنـا قـوه عضيمـه لـه القاسـي يلـيـن =جيشـنـا قــوة رجـالـن عـريـب جـدودهـا
ياسمانـا مـادخـل فــي جــواك المعتـديـن=لـك صـقـور الـجـو ضباطـهـا وجنـودهـا
ياعلـم قـوه عزيـمـه شـاعـر المسلمـيـن=رفـــرف بعـزومـعـزه لاهـبــت نــودهــا
ماحسبنا حسـاب مخطـي ولطـم العايليـن=فــي صواريـخـاً تــدق الـعــدا بكـبـودهـا
دون دار ضـمـت الانـبـيـاء وصالـحـيـن=حكمهـا حـكـم الشريـعـه جمـيـع بنـودهـا
ربنا واحد وله طايعين وساجديـن=ماسجدنا للهياكل حشا ما نرودها

******** type="text/**********">doPoem(0)***********

	حيث لاقت الاستحسان وشديد الاعجاب من الضيوف والحضور حتى سأل عن ماذا قال بالقبيلة من شعر الفخر ومدح فقال كل القبائل لها افعالها وبطولاتها وربعي منهم ولانهظم حق احد ولانمسس احد بظلم أو بهتان مما شد الإعجاب والانتباه له من الضيوف والحضور لهذا الاطراء وبدا القصيدة في مدح القبيلة قال بها على هذاالرابط قصيدة مدح القبيلة URL="http://www.youtube.com/watch?://www ثم انتقلنا إلى شاعر الابداع وجزالة المعنى والمفردة الشاعر الحماسي دحيم بن فرحان الرشيدي حيث اختار لنا قصيدة البداية قصيدة بمدح الشيخ محمد بن عبيد العجوني سبق وان قالها بحفل زواج اخيه الذي اقامه بمحافظة المجمعة واليكم القصيدة سلام يامحمد من الراس للراس

من دافع النخوة ومن صادق احساس=سقت المثايل سوق لمحمد عبيد
ماني مقيدهـا بحـرن وقرطـاس=وانـا لهـا واكررالقـول واعيـد
منحتها هقوت بعيديـن الارمـاس=ورتهـا عـدن حبالـه مواريـد
عززت من عساس الافكار عساس=واطمح وراء الجزلات بالفعل وازيد
أخذت مع طاروق الابداع مرواس=وجندت فكـري للمهـات تجنيـد
وعبرت يامحمد من الراس لراس=من مانهضـم حقـوق الاجاويـد
بالمحفل اللي فيه نخوة ونومـاس=تلقى الشحم ومبهـرات البغاديـد
سلام يامحمد من الـراس لـراس=واثني سلامي جمع من دون تحديد
يامعرب الجدين ياطيـب السـاس=من عزوة يوم الملاقـا صناديـد
أهل المواقف يوم الارياق يبـاس=هذا الصحيح ويكسبون التماجيـد
وعبرت يامحمد من الراس للراس=من دون مانهظم حقوق الاجاويـد

******** type="text/**********">doPoem(0)***********
ثم شارك بقصيدة سبق وان قالها بحفل الشيخ ذرف المشعلي بمناسبة تشريف

شيخ شمل قبائل بني رشيدعبدالرحمن بن مطني ابن براك لفخذ المشاعلة
اقدحي يازنود كفي

ابتداء مشوار شعري على المعنى الجزيل= وعبر لساني وسجل علـى الطـرس قلمـي
يا طموحي دون عملاً نبـى مـا مـن مقيـل= لـيـن نـاصـل منتـهـاه ويـقـضـي لازمـــي
أقـدحـي يــا زنــود كـفـي ولــع يــا فتـيـل= ون شعمت النار تبغـي السوالـف تحتمـي
أرتكى للحمـل متنـي وأنـا متنـي يـا شيـل= وعن طريق أهل المواجيب مـا زل قدمـي
موقفـاً عصـاب والــراي بــذن الله دلـيـل= مـا نـتـوه الــدرب لــو هوبلـيـلاً مظلـمـي
علمـاً يفـرق جزيـل الـكـلام مــن الهـزيـل= مثل حـد السيـف مبـداء كلامـي مـن فمـي
فـي محـلاً شامخـاً فـيـه بــن وفـيـه هـيـل= وفيـه ربـعـاً تنـطـح الموجـبـات وتكـرمـي
عند ابن مشعل ذرف راعي الباع الطويل= مسندي وقـت الشدايـد عضيـدي محزمـي
أنت أبوك اللي كما الغيـث بالـواد المحيـل= كـان حاتـم صاحـب الـجـود فيـنـا حاتـمـي
يـا ولـد راع المواقـيـف كـسـاب الجمـيـل= يرتـوي مـن سيـرة أبـوك ومـي ولحـمـي
مـا طلبنـا المـد مـن صاحـب المـد البخيـل= ولعرضنـا الشـور علـى المصقـه والعمـي
أبذل المجهـود والطيـب مـا هـو مستحيـل= والنقـا مــردود ودلــي بـدلـوي وسهـمـي
مرحبـا بـك يـا بـن بـراك بالشهـم النبـيـل= يـا حفـيـد أمـجـاد صـرحـاً عـنـه نتكلـمـي
أنــت يــا راع البويـضـاء لـهـاب الذلـيـل= كـان عنـد قطيهـن صـار صيحـات ورمـي
ومرحبا ترحيب باللي حضر مـا هـو قليـل= والـعـلــوم الـطـيـبـة لـلـرجــال تـقــدمــي
باسم ربعاً باللقاء تجـرد السيـف الصقيـل= تسقي أرض المعركة بالسيوف من الدمي
ذاعرين الهيل وقت القساء وحمـول خيـل= ننـطـح الـقـالات ونـعـف عـنـد المغـنـمـي
لا لحقـنـا الـقـوم والـبـل صايبـهـا جفـيـل= ريـعــت لعيـالـهـا ثـــم قـامــت تــرزمــي
جمعنا يا راد ويشـرب علـى العـد الطويـل= يـوم راع الخـوف ورده مصدرتـن ظـمـي
مـلـتـي مـلــة أبـونــا إبـراهـيـم الـخـلـيـل= ودينـا معـروف ديـن الرسـول الهاشـمـي
والـولاء لملوكـنـا الـلـي لـنـا ظــلاً ظلـيـل= خدمتـي لـك يـا مليكـي ولرضـي ولعلـمـي

******** type="text/**********">doPoem(0)***********

	ثم داراللقاء مع الضيف الشاعر / مبارك بن منير العوني الذي انفرد بنمط من نوعه فريد يعطر مسامع المتلقي بما فيه من جزاله المعنى والتطرق للاشياء الهادفه التي تعني بالنصح والدين والحكمه والخوة والمقناص حيث كان من احدى قصائدة قصيدة وصاه ونصح لابنه منير وقصائد بمقناص الطير الحرالاشقر حيث اكد ميوله لهذا النوع من الطيور ومن قصائداختار لنا قصيدة البر على هذا الرابط http://www.youtube.com/watch? كذلك شاعر الابداع والدرر عوض بن خيران الرشيدي على هذا الرابط قصيدة بصوته http://www.youtube.com/watch? كماخص الشيخ / سالم بن زويد الحنيني الحنيني الحربي موقع الجميع بهذه القصة الوقصيده والتي بعنوان الحربي يفدي بروحه على شان خويه المطيري وهذه القصه والقصيدة على هذا الرابط http://www.youtube.com/watch?

	واخرى تم تسجيلها وصورسوف تنزل بالصوتيات بالموقع حيث ابدوضيوفنا الاعزاء بعد التوضيح لهم عن اهداف موقع الجميع وإدارته بالاعجاب وسوف يتطلعون في متابعة ماينشر عبر موقع الشاعر غازي البراك الي يقاس بمقياس حضوره المشرف و الراقي بخطواته المتقدمه وخلقه النبيله علما ان جميع الشعراء لهم مشاركات بقصائدة اخرى اخرى اختارنا منها لكم ماقدمنا وتم تسجيل مقاطع صوت وصوره سوف يتم تنزيلها بالموقع بالوقت القريب وكفو ووفوا وبيض الله وجيههم جميعاًوقبل ان اترككم مع الصور الملتقطة بعدسة الموقع ارتجلت بهذين البيتين مهداه لصوت عبس الذي سمى بهذا الاسم قسم منتدى من الموقع واطلق عليه هذا الاسم ومثل هذا الاسم خير التمثيل بالظهور المشرف تجاه مايخدم القبيله ورجال القبيله وتوثيق وثائق تعني بتاريخ القبيله وهذه صفاة قله الابرجال امثال اخي الشاعر غازي البراك من دون قصور بالجميع والكل منهم يستاهل قصيدة وابويوسف ولو سردت بيوت الشعر لن اوفيه حقه

بيض وجه راع الطيب كساب الجمايل=صوت عبس اللي تشرف في مواقيفه قبيلة
غازي البراك راع الطيب له قول وفعايل=اشهد ان المدح في غازي يقال ويستويله
يبذل جهوده ويتعب مايدور للحصايل=مايدور غير فعل الطيب وعلومه حصيله
والله اني لوكتبت الشعر من جزل المثايـل=ماوفيت بمدح من يتعب على فعل الجزيل

******** type="text/**********">doPoem(0)***********

اهداء من اخوك / مبروك بن عبيد

	فأترككم مع التغطية من الصور التي تم التقاطها للحضور بعدسة موقع الجميع آمل ان تنال اعجابكم

فريح المشعلي والشيخ صالح بن دغيم بن حنيان المشعلي

منير مبارك ووالدة الشاعر مبارك بن منير العوني والشيخ سالم بن زويد الحنيني

الشاعر غازي البراك والشيخ هادي بن جدي السهلي والشاعر دحيم فرحان المشعلي

الشيخ محمد بن عبيد العجوني والشيخ خنيفر بن فرحان المشعلي والشيخ سلمان بن علي العجوني

من اليمين سعود بن عبدالعزيز المهيمزي والشيخ زيد بن غنام الثبيتي وحمود بن سويد الرشيدي

الضيف الشاعر مبارك بن منير العوني الحربي والشاعر غازي البراك والشيخ سالم بن زويد الحنيني
الحربي والشيخ محمد بن عبيد
والشيخ سلمان بن علي والشيخ هادي بن جدي السهلي والاستاذ ممدوح بن عبيد العجوني

الشاعر دحيم بن فرحان المشعلي والضيف الشاعر مبارك بن منير العوني الحربي والشاعر غازي البراك والشيخ سالم بن زويد الحنيني الحربي
والشيخ محمد بن عبيد والشيخ سلمان بن علي والشيخ هادي بن جدي السهلي

الضيف الشاعر مبارك بن منير العوني الحربي والشاعر غازي البراك والشيخ سالم بن زويد الحنيني الحربي والشيخ محمد بن عبيد والشيخ سلمان بن علي
والشيخ هادي بن جدي السهلي والاستاذ منير بن مبارك بن منير العوني

الاستاذممدوح بن عبيد والشاعر دحيم فرحان والضيف الشاعر مبارك بن منير العوني الحربي
والشاعر غازي البراك والشيخ سالم بن زويد الحنيني الحربي والشيخ محمد بن عبيد
والشيخ سلمان بن علي والاستاذ منير بن مبارك والشيخ دويلي بن دليل العجوني

الضيف الشاعر مبارك بن منير العوني الحربي والشاعر غازي البراك والشيخ سالم بن زويد الحنيني الحربي
والشيخ محمد بن عبيد والشيخ سلمان بن علي والشيخ هادي بن جدي السهلي



الاستاذ ممدوح بن عبيد والشاعر دحيم بن فرحان والشاعر مبروك بن عبيد والضيف الشاعر مبارك بن منير العوني الحربي

والشيخ سالم بن زويد الحنيني الحربي والشيخ محمد بن عبيد والشيخ سلمان بن علي



الاستاذممدوح بن عبيد والشاعر دحيم بن فرحان ومبروك بن عبيدوالشاعر مبارك بن منيرالعوني الحربي

والشيخ سالم بن زويد الحنيني الحربي والشيخ محمد بن عبيد والشيخ سلمان بن علي العجوني

مبروك بن عبيد مع الضيوف المحتفى بهم

الاستاذ بدر بن محمد العجوني

من اليمين الشاعرعوض بن خيران والشيخ سند بن عواض وخنيفر المشعلي
مع الضيوف المحتفى بهم والشيخ سلمان بن علي العجوني وبحق الاجواء الممطره الجميع طلب الجلوس بالحوش الاستمتاع

معرف قبيلة المشاعله من بني رشيد الشيخ سلمان بن دغيم بن حنيان المشعلي والشيخ ابو ناصر القحطاني

الاستاذ سعود بن عبدالعزيز المهيمزي والشيخ محمد بن عبيد بن عجوين
والشيخ سلمان بن دغيم بن حنيان المشعلي والشيخ عبدالله بن ناصر القحطاني

الشيخ ســــلمــــان بن علي بن عجوين

الاستاذ ممدوح بن عبيد وعبدالله وبدر ابناء الشيخ محمد بن عبيد

من اليمين الشيخ صالح بن دغيم بن حنيان المشعلي وصوت عبس الشاعر غازي البراك والشيخ هادي بن جدي السهلي

الشيخ سلمان بن علي العجوني والشاعر عوض بن خيران الرشيدي
والاستاذ حمدان بن طلق العجرمي والشـــــــيخ سند عواض المهيمزي

الشيخ متعب بن صالح المهيمزي والشيخ دويلي بن دليل العجوني

الاستاذ ممدوح بستقبال الضيوف



الاستاذ ممدوح بن عبيد العجوني وصديقه الاستاذ القدير حمدان بن طلق العجرمي

مشكوووووور والله يعطيك الف عافيه

مشكور ويعطيك العافية على التغطية

يا الله أنـي طالبـك ياكريـم ويامعيـن --تحفـظ أبـلادً نصلـي بكـل حدودهـا
يذن المذن وصوتـه يصـح النايميـن --والجبـاه منـوره نورهـا بسجـودهـا
يابـلادي يابـلادي ترانـا حاضـريـن-- كان شبت نـار حربـاً يدخـن عودهـا
مرخصين الروح والمال دونك من سنين --واليميـن الطائيلـه مقصـراً زنودهـا
تحت حكم اللي بهم خير في دنياء ودين --البـلاد مكرمـه والسعـود سعـودهـا
نحمدالله دام حنـا نحـرس المسجديـن --والمنايـا دون دار الرسـول ورودهـا
جيشنا قوه عضيمه له القاسـي يليـن --جيشنا قوة رجالـن عريـب جدودهـا
ياسمانا مادخل فـي جـواك المعتديـن --لك صقور الجـو ضباطهـا وجنودهـا
ياعلم قوه عزيمـه شاعـر المسلميـن --رفـرف بعزومعـزه لاهبـت نـودهـا
ماحسبنا حساب مخطي ولطم العايليـن --في صواريخـاً تـدق العـدا بكبودهـا
دون دار ضمـت الانبيـاء وصالحيـن --حكمها حكم الشريعـه جميـع بنودهـا
ربنا واحـد ولـه طايعيـن وساجديـن --ماسجدنا للهياكـل حشـا مـا نرودهـا

-----------------------------------------------------------
نعم للوطن ولابناءه وفيه وفيهم يكون الشعر ويطيب
شكرا لشاعرها فقد راقت لي كلماتها

مشكور ويعطيك العافية على التغطية

بيض الله وجه الشيخ محمد عبيد العجوني وخوانه على استضافة
هالوجيه الطيبه واللحوات الغانمه ولاهو غريب عليهم
الكرم من يعرف والدهم عبيد بن عقيل العجوني رحمه الله
مايستغرب من محمد عبيد العجوني وخوانه الكرم
اهم هل لذلك رحم الله والدهم ومد الله بعمارهم جميعاً
واشكر جميع الشعراء على القصائد الرائعه
وشكر خاص لصاحب هذاء الصرح الشامخ
الشاعر غازي البراك بيض الله وجهك يابويوسف

بيض الله وجه الشيخ محمد عبيد العجوني واخوانه على هذه الاستضافة الطيبة
وشكر خاص لصاحب هذاء الصرح الشامخ
الشاعر غازي البراك بيض الله وجهك يابويوسف
ومشكور يابو عبيد على التغطية الرائعة

من هذا المنبر الاعلامي موقع الجميع اوجه شكر وتقديري الى الشيخ محمد بن عبيد العجوني الله يكثر خيره
من اسبابه تشرفنا بعرف رجال يشرف عرفهم والشكر موصول الى مشرفنا الرائع صاحب الاخلاق العاليه
الشاعر ابو عبيد على اهتمامه الله يطول عمره على طاعته
وصح الله السانك على هذه الابيات التي شرفتني بها
والله يدوم التواصل بين ابناء هذا الوطن الغالي على المحبه والافراح

مشكور ويعطيك العافية على التغطية

لك الشكر والتقدير على التغطيه الاكثر من رائعه