السلام عليكم ورحمة الله وبركاته
أقــدم لــكــم أعــزئــي قــصــائد الـــشــاعــر/
مـهــلي بن ســعــدي المهــيمـــزي
بين الخيـال وبيـن تحقيـق الاحـلام
لاشفت زولـك ضعـت منـي ليالـي
حتى غلاك اللـي تبعثـر مـن العـام
عجزت ألمـه ميـر صعـب المنالـي
سهـر العيـون وتالـي الليـل ظـلام
ومـر الليالـي مايـعـادل بحـالـي
يامسلمن تمشـي علـى ديـن الاسـلام
أدخل علـى الله ليـه تهجـر وصالـي
وانا علـى وصلـك مصمـل وجـزام
واصـلـك لوميـدرجـن الرحـالـي
واصلـك لويحكـم عليـه بـالاعـدام
حيثك متـدري بالهـوى وش جرالـي
والله لـو لامتنـي الـنـاس مـنـلام
من حبك اللـي مرخـصً كـل غالـي
وليـا خذتنـي منـك يازيـن الايـام
عز الله انـك منـت بالوقـت سالـي
والوقـت مايرحـم ولاهـو بـرحـام
قبلـي قـلـوب عذبتـهـا الليـالـي
جيت اكتب الشعر وتلذذ بكتب القصيـد
يوم كلً بالقصايد يحكي اللـي جرالـه
قلت ابحكي عل يسمع صاحبً قلبه عنيد
عل يارف بقلبً غـدى همـه بحالـه
قمت اخيل البروق اللي تلاعج من بعيد
كل ماناض برقً شفـت الاخـر قبالـه
صاحبي عود على قلبً من الفرقاء زهيد
ارجع لاقلبً مارضى يقطـع وصالـه
قلبي اللي بالفرح مفلسً مالـه رصيـد
مثل عوداً فقد في دنيتـه اغـلا عيالـه
وش اسوي لاغدى همي كل لحظه يزيد
وانت مبعد ولا سألت وقلت كيف حالـه
وأخر الموضوع أفهـم العلـم الوكيـد
ان قلبي غير قلبك بالمحبـه ماطرالـه
الله حسيبـك كيـف تبعـد وتنسانـي
وانا أحسبنـك لونـي اقفيـت تدعينـي
خليتني في وسـط الاحـزان غرقانـي
صديـت عنـي ولا قلـت وشفيـنـي
أرخصتلك كل البشر من قاصي ودانـي
وفي تالي الوقت انـت اللـي تخلينـي
ياما سهرت وقلـت ماضـن يجفانـي
واثرك نسيت الغلا ولاعـاد تطرينـي
خليتنـي لـزمـن تـقـول نيشـانـي
خليتني فـي ضيقتـي تلعبـي أسنينـي
عزألله اني اغليتك أكثر مـن أخوانـي
وانا احسبك بالغـلا تصـرخ تنادينـي
بكره يجور الزمـن كـان الله احيانـي
وتقـول تكفـى حبيـبـي لاتخليـنـي
وأذكرك بالزمـان وجرحـك الثانـي
واقولـك لـو تجـي معـاد تعنيـنـي
جيتك وأنا اللي مبتلـش وسـط دنيـاك
يازيـن قـدر جيتـي يـوم جيـتـك
جيتك وأنا اللـي ناقـلً هـم مسـراك
جيتك وأنـا اللـي حالفـن مانسيتـك
جيتك وأنا اللي مرخص النفس لرضاك
جيتـك وفـاء انهيتـنـي مانهيـتـك
جيتك وأنا ادري فيك همك ورجـواك
انـك تعـذب قلبـي اللـي عطيـتـك
جيتك خفـوقً يشتكـي مـن خطايـاك
ياشيـب عينـي ليتـنـي ماهويـتـك
جيتك شقـى متبهذلـن مـن سوايـاك
جيتـك غـلا جفيتـنـي ماجفيـتـك
وان كان في تالي العمر يـوم بالقـاك
أبنتظـر وصلـك ولــو مالقيـتـك
حاصل على ترخيص من وزارة الثقافه والاعلام السعودي
قصيدة للشاعر المبدع المقل فى النشر /مهلى بن سعدى المهيمزي
العرض العادي
