هذي قصة بنت عندها اخوات اكبر منها وأخوات أصغر منها وهي توها متخرجه من الثانويه المهم هي بالبيت وماعندهم خدامه
كل يوم دور على وحده من البنات تطبخ وبعدين تنظف البيت و ترمي الزباله"الله يكرمكم" عند الباب
المهم جاء دور هالبنت اللي اتكلم عنها كانت سهرانه مع خواتها الين الساعه 2صباح
وبعدها طلعو خواتها ينامون.. وهي قعدت تنظف المطبخ وقامت وطلعت الزباله عند الباب..المهم البنت قالت ليش احطها عند الباب خليني اتشجع وارميها بالزباله احسن... وطلعت برا بالشارع وكان الشارع فاضي..والساعه كانت حوالي 3:30 طلعت ترمي الزباله والهواء صك باب بيتهم
وقعدت المسكينه بالشارع...فكرت ترن الجرس خافت ابوها يهاوشها او يسوي لها شي..(لان ابوها شديد)
وطلعت بالشارع وماعليها الا قميصها الخاص بالبيت..
المهم سمعت صوت يقرب...!!!!! صوت سياره
قامت المسكينه ومسكت الزباله وقلبتها ودخلت في كيس الزباله.... ههههههه
و كان صاحب السياره اللي جاي ولد الجيران كان توه جاي من الاستراحه..وقف السياره وطلع المفاتيح عشان يدخل بيتهم الا يسمع صوت يتحرك بالزباله....؟؟؟؟ واستغرب ان الزباله مقلوبه قام قرب من عندها وجاء يرفع الزباله ويعدلها... إلا صرخت البنت وقالت: لالا لا لا
قال:بسم الله الرحمن الرحيم انتي انس ولا جن.................؟؟؟؟!!!!!!!!!
قالت:والله انس وانا بنت جيرانكم قال:انتي وش اللي جابك هنا وقالت له القصه وهي متغطيه بالزباله وترجت ولد الجيران يساعدها
قال:خلاص لا تخافين..
قام وقرب السياره من باب البيت وركب فوق السياره وقفز ببيت اهل البنت وفتح الباب للبنت وقال لها ادخلي بسرعه لا احد يشوفك نبلش بتاليتها
قامت المسكينه ماصدقت رمت الزباله وطلعت كذا قدام ولد جيرانهم بالقميص لاعباهه ولاشي دخلت البيت وقفلت الباب على طوووول وولد الجيران واقف وماتحرك يناضر فيها...المهم مامرت هالسالفه يومين إلا والولد جاء يخطبها من ابوها وتزوجها....والله قصه زواج غريبه وعلى فكره ترى هذي القصه حقيقيه على ذمة الراوي يقول حصلت بالفعل...
منقــــــــــــــــول
حاصل على ترخيص من وزارة الثقافه والاعلام السعودي
قصه رائعه لاتفوتكم
العرض العادي
