دمهم هدر

ياهاجس الشعر لحظة بس لاتغادر
............... أبي اكتب البوح كله واختصر طيه
ماينقض العهد غير الخاين الغادر
............... اللي يبوق الوعـد ويشرعن السيه
"الله" حسيبه و هو ما غيره القادر
............... انـه يخلـيه "درس" لـ مــثـله وزيـه
وراع الغدر شايفينن وجهه الوادر
............... زيـّـه يبي مخطر له حـامي و كيـه
كيّة على هامته واللي معه حادر
............... حـتى تنـاظر عيـونه "فعلة ايديه"
ودم الخوارج تراه بديننا "هادر"
.............. ومن مات "بيدينهم" له ظله و فيه
وفي جنة الخلد مايستشعر الكادر
.............. يا سعد عينه و يا حظه و يا حيه
والدار فيها كفوف الساطي النادر
............... اللي معاطيبه امست سـقم للغيه
تقطع معاليقهم في وارد وصادر
............... وتمزق أحشاءهم في ساعة الهيه
بادر بحفظ الوطن ياصاحبي بادر
............... نعم بلاد الحرم وارض السعوديه