هلي دموعك دموع الكـذب يالماكـره
ماهي دموعي على خدي لاهليتها
أبكي على فقــد شيخٍ سيرتــه عاطره
سترك وستر النساء اللي تسكن أبيتها
أدراء شعورك واحاسيسك لجل خاطره
لوكان تبقى جروحي ماتناسيتها
قريت من الخطاء بأوراقك الصـــادره
ياكبرها جــات وأنــا ماتحريتها
ورغم الخطاء أخذت طيب الصبر لي بادره
ومزجت مر الليالي لين حليتها
ماودي أهــدم بيوتٍ من زمن عامره
دفعت عنها السهوم اللي تلقيتها
تذكري كانهــــا ماتخونك الذاكــــره
من فجــَر اللغام مدريد ودناميتها
الشر لو نقطعــه ماينقطـع دابــــره
تبقى الشياطين طاغيةٍ عفاريتها
حبيت اوضح كلام الصدق بالخاطره
اللي طرتلي من دموعك وجاريتها