ذكريات .. على شاطي بحر الغرام !!!

يعبـث بنا الشعر احياناً
ويقودنا معه
حتى نصل معه الى مايلـــي :

على شاطي بحر حب(ن) جمع مابيني .. وبينه = وقفت !! .. اغني ابيات(ن) من اشعاري .. وارددها
وعلى الطاري .. ومع ماضي غرام(ن) راحت سنينه = ومع الذكرى .. ومع احلام(ن) عجاج الوقت بددها
سرى العاشق .. على ذكرى الغلا .. حتى بكت عينه !! = وجفت من دموعه .. والعمى اصبح يهددها
ياعيني .. من هجر دنيا غرامك .. ليش تبكينه ؟ = اعاتب عيني احياناً .. ونوب ارجع واساندها!!
دموع فراق .. تسقي درب .. من تاهت عناوينه = على وجهة غياب(ن) مااستطعت اني احددها
سعادة سيدة شعري .. ويانجمة دواوينه = ويامجموعة احزاني .. على افراحي ومفردها
ياشمعة وقتي الي عشت به .. وانتي تضوينه = ياصادر .. منطقة حدب الضلوع .. ويامواردها
غيابك .. وانقطاعك .. وابتعادك .. وش تسمينه ؟ = مسارات الصدود الي سلكتي .. وش فوايدها ؟
خذاك البعد من جو الغرام الي تعيشينه = الى مجهول دنيا(ن) مانعيش ابلا نكايدها
رحلتي .. يابعد عمر الحبيب الي تمنينه = وجلست اكتب على الذكرى قصايد شوق واسندها
تعالي .. واسمعي بوح القصايد وش مضامينه = سهرت اقنص ابيوت الشعر لاجلك .. واتصيدها
قصيدي فيك .. ياليته يجي لك ثم تقرينه = ياليت الشعر ياصل للحبيبه .. ثم ينشدها
عن اسباب الجفاء .. والبعد .. والصد .. ومعاوينه = وعن الهجران .. هل هو غصب ولا من تعمدها ؟؟
وعن سجن الشعور .. وعن مصير اعظم مساجينه = وعن دولة .. (احبك) .. من حكمها بعد قايدها ؟؟
ياعمري .. ياسبب همي .. حبيبك كيف تنسينه ؟ = نسيتي .. من وهب نفسه على شانك .. وجندها !!
نسيتي .. من خسر لاجلك رضى اقرب محبينه !! = نسيتي .. من بذل جهده لروحك لاجل يسعدها !!
نسيتي .. من سهر ليله يعاني ماتعانينه = ودايم ينظر احوالك ويسأل ويتفقدها
انا ابعرف .. عقب فرقاي .. ( ليلك هل تنامينه ؟ ) = وفاتورة فراقي .. ( هل غزاك احدن وسددها ؟ )
ياليت الي حصل لي بعد مارحتي تشوفينه = زرعتي لك جروح(ن) مالقيت الي يضمدها
هجرت الناس .. واشغلت اللسان بمفردة .. (وينـــه) ؟؟ = وخاويت السهر .. واشغل جفون العين واجهدها
سنين العمر تمضي .. والزمن يطعن بسكينه = وانا مازلت اقول يجوز عشرتنا نجددها
ويمر الوقت .. والمديون باقي ماقضى دينه = حقوقه ضايعه بين ابيض الايام .. واسودها
سؤال اخير !! .. وابغى منك اجابه كان توحينه = على ضوء الاجابه تتضح نفسك .. ومقصدها
انا ابسألك !! .. قولي لي بحق الي تعبدينه = ليالي صاحبك .. من غير شوفك .. كيف يرقدها ؟؟؟!!!

******** type="text/**********">doPoem(0)***********

الله بن مظهوردايم عذب ومبدع بنفس الوقت تحياتي صح لسانك

خوك ابووائل ...................

صح لساتك شاعرمميز بكل صراحه

رحلتـي .. يابعـد عمـر الحبيـب الــي تمنيـنـه
وجلست اكتب على الذكرى قصايـد شـوق واسندهـا
تعالـي .. واسمعـي بـوح القصايـد وش مضامينـه
سهرت اقنص ابيـوت الشعـر لاجلـك .. واتصيدهـا

صح السانك ياعبد الله المظهور وشهاده لله انك دائما تصيد الجزل وتترك الهزل
> الف شكرعلى حسن التسديد للوصول للهدف
تقبل ودي وتقديري <

عزيزي\ عبدالله
ابداع لم اجد مثيله هُنــا
أعلم بانني حاولت ان اقتبس احد الابيات
ولم استطع لجمال القصيده بأكملها
قصيده رغم كثرة أبياتها الا انها تجبرك
إلى
قرائتها كامله وإعادتها اكثر من مرهـ ..
شاعر راقي ومقدر استطعت ان تتحكم برتم قصيدتك
وجزالت مفردتك وقليل من يستطيع ذلك ..
اسجل اعجابي بشعــرك الراقي وتأكد بانني انتظر جديدكـ
دمت كما تُحب .

صح السانك ياعبد الله المظهور
شاعر غني عن التعريف
دمت بكل خير وعااافيه

شي عادي الابداع من شاعر الابدع صح الله السانك