بسم الله الرحمن الرحيم
السلام عليكم ورحمة الله وبركاته----وبعد
أقدم لكم هذه القصيدة اللتي قالها
الشيخ الشاعر/مصيلح بن صلحان بن بدوي المظيبري الرشيدي
بمناسبة الحفل اللذي أقامه
رئيس مركز المرموثه - في أبانات
شيخ شمل قبيلة المظابره صلحان بن بدوي
على شرف سعادة المهندس-مبارك الدويله رئيس رابطة عبس العالميه
----------------------------------------------------------------------------------
ابتدي في ذكر رب عزيز الجلاله =عالم الغـــــــيب جبــار العظام الكسيره
نافخ الروح بالانسان من غير اله =جامع الناس في يوم مافي الكون غيره
وبعد ذكره نرحب عد ما ابدرهلاله =وعـــــد نجم نشوفه بالعيون البصيره
عند شيخ يشرف من نصاه وعناله =ويتشــــرف ليا زاروه من كـــــل ديره
والدي تاج راسي كيد منهو نواله =وعز من جـــــاه يطلب فزعه ويستشيره
كل ما كبرت القاله نهض وارتكاله =يفتل الراي من فكره ماهو فكر غيره
يرفع الراس ذكره عند حضرة مجاله= راعي الاوله ماهو براعي الاخيره
ماحسب للخاسرين دقها وجلاله =الكــــــرامه وســـــامه بالسنين الــعسيره
ساس عز ورياسه من عمام وخواله= ماخذها تحت كــــم العباه الســــتيره
راس قوم ويروس المرجله والشكاله= من سلايل شيوخ يكســــرون المغيره
من قربهم بطيب طاب حاله وفاله =ومـــن قربهم بشر مـــايرفرف مطيره
قايدين السرايا من عصورالجهاله ==يوم قصف الهنادا والسيوف الشــطيره
انشدو عن زعيم القوم مابه جهاله =الحقايق تفســــــرها العلـــوم البصيره
بدوي قايد السبــــــعه وحنا عيـاله= قايد القــــوم يـــــوم الرحا ءمســــتديره
ماجحدنا جميــــل ولا طلبنا جماله =الحقايق تكفي مـــانبى اليــــوم غيـــــره
بدون قاصر بربعي كاسبين الجماله =كلهم صف واحــد بالامــور العسيره
اهل ابانات كيد الضد ونشاف حاله =كــان شبـت لهايبها وزادت سعيــــره
كم عقيد غزاهم نية الكسب فاله= واعلن الكســــر وقفى مــايبشر بشيـــره
لين ساد الامن في حكم واف العداله =دام حكم السعوديه بصقر الجزيره
ومرحبا ياهلا ترحيب صاف زلاله= حلو نقع المطر من مزنه مستنيره
بالدويله مــبارك دولة حــي فالـــه= اشهــد انه فعل فعل مــا سواه غيـره
لوبغيت اتمادى واشرحه في مقاله =جفت اقلامنا والطرس مكمل مســيره
بيض الله وجهه كل صبح ومساله =وبيض الله وجــه مسانده مــع شويره
نظمو رابطة عبس بجهود جزاله =ورفعوا مستواها بالجهود الكبيـــــره
بثناعش دوله النا فروع ولنا مقاله =عضو مجلس ودكتور وزيروغيــره
التقدم بعـــلم ومــعرفه والعـــداله =يرفـع النــاس فـوق الطايله والعسيــره
للعلا ياقبايل عبس يااهل الشكاله =خدمــة الدين والاوطان عــز وبصيـــره
وياهلا بالشيوخ ومن حضرفي مجاله =عد مـايبرق البراق عرض النديره
في قدوم الضيوف محصلين الجماله= كاسبين الوفا والطيب في كل سيره
نور ابان كله من جنوب وشماله =واسفرت وانورت يااهل الوجيه السفيره
حاصل على ترخيص من وزارة الثقافه والاعلام السعودي
قصيدة للشيخ الشاعر/ مصيلح بن صلحان ابن بدوي-في مبارك الدويله
العرض العادي
