تحليل محاورة الجريمي وبطاح بن وساح

السلام عليكم ورحمة الله وبركاته من باب الاجتهاد الشخصي قمت بتحليل المحاوره التي جرت بين الشاعرين بطاح بن وساح والجريمي التي اخذت اصداء كبيره بالموقع والتحليل لايعدو كونه اجتهاد شخصي فقط ومن له رائ اوتعليق لايحرمنا منه فنحن هنا اخوان ونستفيد من بعض

الجريمي

السما غيم وبالغيم براق ورعود === وانت قسمك يابن وساح بالسوق عنبه

دخول قوي من الجريمي في الطاروق دون مقدمات السما غيم وبالغيم براق ورعود يعني انا حضرت يابطاح بكل قوتي الشعريه

وانت قسمك يابن وساح بالسوق عنبه وانت قسمك من الشعر شهرتك بهالمنتدى بس وقسمك يعتبر شي قليل

بيت قوي متكامل الاطراف والمعنى والشعر

قالو ان البيت ماقومه غير العمود === قلت لولا الطنب جاه العجاج وشقلبه

قالو ان موقع غازي قومه اسم غازي وقلت انا لولا جهود بطاح كان ضعف الموقع

الله الله على الجريمي دخول بالمعنى بقوه بيتين من ذهب

بطاح بن وساح

جعل عرفك يالجريمي بعدها مايعود = اطلب الله مثل قسمي ليارحت اطلبه

هنا بطاح يرد على الجريمي عندما قال قسمك قليل

قال بطاح دام هذا عرفك عساك ماتعود المعرفه وعزالله انك ماتعرف لكن اطلب الله يعطيك مثل اللي عطاني

الجبل من ماض الوقت تسكنه القرود = لين جاه الذيب ناصي وعلى مرتبه

هنا بطاح يقول ان الموقع كان موقع ماله سمعه واللي فيه ماهم اصحاب جهود وانا رفعت منزلته طبعا البيت هذا يؤخذ على بطاح من ناحية

1- بيت القرود وقد يحول المعنى عليه

بيت بطاح نقض مع فتل

الجريمي

لاتعاهدنا يارجال لاتخون العهود === وانت رجلن تدرس الدين في مسجد قبه

هنا الجريمي يقول لاتعلمنا وتواعدنا وتخون الوعد وتقول انك شاعر كبير وانت جاي تعلم عندنا بالمنتدى

اول الرجال دم ولحم واخره دود == كيف تنكب صاحبك قبل ياصل منكبه

هنا الكلام اللي اشرت له بيت بطاح ماعداه الجريمي

يقول انت نهايتك الموت ليش تسب الناس وزود عليها نكبت صاحبك غازي ان موقعه مافيه الا القرود ههههه

بطاح بن وساح

الفتايل عندكم مالها غير الزنود = والزنود تمر بقعا وتنصى الدبدبه

هنا بطاح يشير ببيت رائع انكم ياصحاب المنتدى تقولون انا شعار وتحدون وجيت اشوف وش عندكم واتحداكم بقوتي الشعريه

مع العلم اني ماوضعت مجهودي على المنتدى فقط وانما انا حاضر بشعري في كل المحافل من منتدى وغيره
نقض رائع جدا

والجبل والذيب خلان ولاانته جحود = فيك طبع الحصني اللي يومي بذنبه

هنا يشير بطاح ان موقع غازي مثل الجبل والجبل صديق للذيب فكيف اتعدى على غازي وانت تبى تسبب فتنه

فيك طبع الحصني هنا اشاره الى هدف معين انك فيك من طبع الانسان اللي ماله مذهب معين

الجريمي

انت اظنك تدفن السم في وسط النفود == مثل حصنين لقا الذيب في وادي اتربه

يبدو ان البيت هذا خروج من المعنى واشار الجريمي انك انت تحاول تجعل ابياتك ملغومه مثل الحصني المراوغ لالقاء الذيب

ياولد بطاح لاذاك حامد مع حمود === تضرب الرجال ولا الطريق اتجنبه

هنا يوضح الجريمي لبطاح انك اتهمتني دون وجه حق اني ابسبب فتنه والفتنه اصحابها معروفين وانت زود على ذلك تتهمني وتترك واجبك الله عليك يابومشعل بيت مميز

بطاح بن وساح

جيتك ابيض السوالف وجبت علوم سود = وانت وان درهمت جتك السيوف مذهبه

هنا بطاح يوضح للجريمي ان البيوت اللي جته على وضح النقا لكن انت ودك تغير معناها وان استمريت على نهجك هذا ابشد عليك بالطاروق

بيت جميل بالتركيبه والمعنى

ولودريت ان الجريمي يحب ابن سعود = كان ادسم لحيت ابن الجريمي وشنبه

هنا بيت المحاوره وزبدة الموضوع كله

يقول بطاح لو دري انك موالي لمعزبنا ابن سعود وهنا اشاره الى غازي البراك

كان قدرتك وماتهمتك بشي

لكن هذا المعنى الواضح وشعار المحاوره لاتخلو ابياتهم

من اللف والدوران ولازم نذكر الاحتمال الثاني

وهو ان بطاح يقول يالجريمي لودريت انك موالي ل غازي كان كرمت لحيتك وشاربك بابيات اشد من اللي قلتلك ههههه

الجريمي

بارك الله باخو مريم وحكام السعود== خلو الرجال يطلب واياخذ مطلبه

يامكثرة السوالف مسحبة الجلود == = لو حسبنا شي ما اظن بطاح احسبه

البيتين هذولا باختصار اسميهن لقطة الختام هههههه

يقول الجريمي واعذروني على هذا اللفظ لكنه اقرب لتوصيل المعلومه

يابطاح لايكثر بس لولا الملوك ماسولفت وقلت اللي في بالك

بطاح بن وساح

وبارك الله بابويوسف جمعكم بالوجود = والجريمي وان مزحنا معه مانغضبه

هنا بطاح ماعداها للجريمي قال و بارك الله بابويوسف اللي فتحلكم منتدى وخلاكم تسولفون فيه

وانت مع هذا رجال ونعم لوانا مزحنا معك نعرفك ماتزعل منا

الحقايق ياعميلي تجي فيها الشهود = وراع النوماس لازم يبين مكسبه

هنا بطاح يشير للجريمي ان الايام سوف تكشف الصادق من الكذاب واللي علمه غانم يبى يذكرونه الطيبيبن

ختاما لانستغني عن ارائكم ويبقى المعنى الاكيدعند شعارنا

رابط المحاوره منسقه دون تحليل

http://www.gazialbrak.com/vb/showthread.php?t=17512

ذيب الفيافي

بيض الله وجهك على هذا التحليل الراائع


محاورة راائعه بين شعراء معروفين ومبدعين

ووجهك ابيض ياوليد البراك

والله ياذيبان انك مشكله تبى تحطنا بحلوق اصحاب الديره وانا ناهيك عن بعض الامور

بيض الله وجهك ياذيب الغداري ..

وهذا اللي كل الاعضاء يبونه ( طبعا غير الشعراء ) ..

لانهم مثل الاطرش بالزفه ههههههههههههه ..

يسمعون ولا يعون ..

وانا من متذوقي الشعر لكن قليل اللي افهمه ..

والف شكر لك اخوي على هذا الجهد الجميل ..

وتقبل مروري البسيط ..

شكرا ي محللنى الله يجزااااااااااك بالخير ويوفقك .....
بدر وش يسوي الي ما يعرف المعنى .... وبعدين مصيره بيتعلم .... ولا يحتاج لمحلل . وتحليل