السلام عليكم ورحمة الله وبركاته
اليوم جايبلكم محاورة
الشاعر/ سعود العجوني
والشاعر/ شاعر الجميع
شاعر الجميع
ياسعود ابن عجوين لاتطرق البـاب=والا تحـمـل راعــي الـبــاب ياسعود
انا سبرت القوم فـي راس مرقـاب=وشبيت نار الحرب من عود في عود
سعود العجوني
انا طرقت الباب من زود الاعجاب=مابيني وبينك مواثيق وعهود
الي مضى مابيني وبينك حساب = وان عودت للزود كلن يبي الزود
شاعر الجميع
عدوان في حاله وفي حالـه اصحـاب=ورد البرا بيـن الرجاجيـل ماكـود
الشجره اللـي تحتهـا يلسـن الـداب=من كان فيها امس الضحى اليوم مفقود
سعود العجوني
عزالله انك تو حركت الاسباب = حديتها للعسر لو منت محدود
يجوز حام وحومته حومت عقاب = وابشرك من عقبه سهود ومهود
شاعر الجميع
دربك طويل وشيب بعصم الاشناب=ماشفت راع الذود يوم افخت الذود
يلي تحسبون القمر غاب ماغـاب=هذا السماء ماجود والبدر ماجـود
سعود العجوني
السيف ابوحدين قطاع الارقاب= يلي وردة العد والعد مارود
لاتقولها لروس قلها للذناب= اسر سرا ليلك وهبت هو النود
شاعر الجميع
اذا صفت من بين ابو زيد وذياب=من عاش منهم كنه اليوم مولـود
هذا الصحيح وفيه رجال كـذاب=شفته يقلطها وهي مالها شهـود
سعود العجوني
باب السعاده لاتجي دونه احجاب= خايف عليك اتصير رجال مقرد
لاقوللك صادق ولا اقول نصاب=بس الا كيد انك على الفعل محسود
شاعر الجميع
الله يساعدكم على ظغط الاعصاب=ويعينكم ياهل حنيضل وابا الـدود
اللي وقف بالسوق رجال قصـاب=مايعرف الا يطبخ قلوب وكبـود
سعود العجوني
الميزه الي فيك ذهانة اغراب= وتبا تعاشيني على ورثة العود
الك الشرف طباخ نواد ر اعراب =شاعر جميع وكاسن خبرة اهنود
شاعر الجميع
الميزه اللي في سحرت الالبـاب=وجبت الذهب والول عنقود عنقود
مايطبخ الهندي عريبين الانساب=لا تعودها عساك ماتكسب الفـود
سعود العجوني
مابيني وبيك مشاريه واعتاب= حل الحبل تراه مازال معقود
ون ضاق صدرك قول طاروقنا شاب= احذر تمس الحبل والحبل مشدود
شاعر الجميع
اليث لامنه عرض واظهر الناب=لا تبتسم له وانت مامعك بارود
هذا ممر الباب والوقت غـلاب==ليلك طويل وفيه براق ورعـود
سعود العجوني
لوالله اللا فيك تو الرجا خاب=تذبذبت دعواك لحقت عربود
ارعبت كل الناس وصبحت مرعاب= انطعت شوري رد مع دربك اردود
وسلامتكم
اخوكم / وليد البراك
حاصل على ترخيص من وزارة الثقافه والاعلام السعودي
تنسيق محاورة الشاعر / سعود العجوني وشاعر الجميع
العرض العادي
