)(-محمد السناني -)(
يارب سترك شفت نور البرق واوحيت الرعود // والظاهر ان الجو صافي والمزون مصدقه
يــا زيد لا تامن حبيّب قبل ترسيم الحدود // ان كان ماعندك من الماضي عقود موثقه
)(-حبيب العازمي -)(
ان خيّلت ثم امطرت وانته قريب فالوجود // اصبر يالين السيل يسري من على الارض وذقه
يازيد لا تخطي عليّه كان ماعندك شهود // عط السناني بالكريك وغلقه بالملعقه
)(-محمد السناني-)(
حمر النواظر ها هُنا والحكم حكم ابن سعود // لا تقول ياحلو العنب لا ما يدينك تلحقه
يـــا زيد حاول لا تعديهم مواريث الجدود // ترى حبيب مبتلش في بشته المتشققه
)(- حبيب العازمي-)(
وش عرفك هذا الديّر وانته ورى ضلع القرود // ماجيت غير العام يوم ان الصفوف مصفقه
منته وكيل اهل المكان إلي قويين العضود // احيان تبني صندقه واحيان تهدم صندقه
)(- محمد السناني -)(
نخوه وميقاف وحميّه ! وانت منته بمعدود // اما شملتك بالعــفو ولا وراك المـــشنقه
(المسلمين) اخوان في حرب (النصارى واليـهود) // تبغا تبايعنا الكتاب معلقه ومطلقه
)(- حبيب العازمي-)(
ماغادي(ن) لك يالسناني لا بعير ولا قعود // بس انت من زود المنافق ماتكب النقنقه
انا ولد عاصي ليا جات الفتايل للزنود // يالارنب المترنبه والارنب المتــرندقه
)(- محمدالسناني-)(
اضحك على فكرك بتجميع السرايا والجنود // الجمعه الي جات في حذفة حصى متفرقه
انته ولد عاصي وصفحات الزمن بيض(ن) وسود // اربع قوانين(ن) عليك ابكل حال مطبقه
)(- حبيب العازمي -)(
يامطير .. سوو مع محمد عقد من ضمن العقود// يمكن يودي سالفه ولا الثقه ما من ثقه
البيض فالي يالسناني فالصدور وفالورود // وانته مطوع كل ماربيت لك دقنك تحلقه
منقول للامانه
حاصل على ترخيص من وزارة الثقافه والاعلام السعودي
طاروق رائع جدا محمد السناني وحبيب العازمي
العرض العادي
