عـزالله انـي يالمقوعـي ترديـت=لو جيت ابا امشي ماصمدني عضامي
ياوجد حالي كل ماصبحت وامسيـت=طـروا عليـه محتميـن الجهامـي
تراي معهـم يالمقوعـي تقهويـت=واليـوم عنهـم غاديـات العلامـي
ادليم مع علوش وحميد وان جيـت=نعم انبهم وان جاء نهـار الزحامـي
ماهي سوالـف مكثريـن الهرابيـت=لطار عـج الخيـل مثـل العسامـي
اهل البويضاء ياالرجـال الزناتيـت=يردون حوض الموت ورد الضوامي
جيابت البـل ياالرجـال الصواميـت=من كل ديـره شامخـات السنامـي
الياجاء نهاراً شين مافيـه تلافيـت=القفش يجدع واشهب الملح حامـي
والهـرج ماينفـع بليـا تثابـيـت=واللي بحل ينشـد فهـام الكلامـي
الشاعر/ سعود حنيفان العويمري(رحمه الله)
حاصل على ترخيص من وزارة الثقافه والاعلام السعودي
ادليم مع علوش وحميد وان جيت
العرض العادي
