لا سقى الله نهارٍ فيه صديت عنـي
اخلفتك الضنون وغيرتـك الطبيعـه
احسبني قريبٍ منك والـروح منـي
قلت مقفل طريق الهجر وانصك ريعه
من لقانا وحبك وسط جوفي سكنـي
كني اعرفك من كنتي بنيه رضيعـه
امتطيتي رياح الهجر وانـا شحنـي
هجرك الي ترك بالحال فعله فضيعه
ماحسبة الزمن خوان وانـه فتنـي
لين حطت يدين الغدر ضربه شنيعه
دام هاذي فعول الغـدر لا تمتحنـي
روحي ابعيد ما نقبل بهجر وقطيعـه
الرجا والمعاتب والجفـا والتمنـي
ماتفيـد القلـب ولا تفـك النزيعـه