يا ملتقى المعرفه جيناك = من يوم ما ولعت نارك

يا سلام عليك قصيده رائعه جدا يابو املاك وصح لسانك الف مره
بصراحه هيضتني قصيدتك وجاريتها بـ عدة أبيات بسيطه
نيابه عن معزبنا غازي وانشالله انه يسامحني ابو يوسف ويسمحلي

يا ملتقى المعرفه جيناك = من يوم ما ولعت نارك

واللي يبا المعرفه ينصاك = فايدتك اكثر من اضرارك
ما تمدح الناس من يجفاك = ولا ذمت الناس من زارك
لك طيب من طيب من سواك = وحنا نشجعه ونبارك
عزك وعزّز بنا مبناك = وصممك بإبداع واختارك
وعلى اسمه المحترم سمّاك = وفاضت بحورك على انهارك
وصيتك تعدا لذاك وذاك = وكثروا مع الوقت زوارك
كم واحدن من ضمير اغلاك = ويشفق لشوفك ومسيارك
حتى لو انه ورا الاتراك = شاف القبيله بمنظارك
المرجله والوفا مبداك = والمجد والطيب مصدارك
وانا سنودك وأنا مرقااك = نذرن علي أوفي انذارك
واللي يغني يبا يهجاك = أخرم لسانه بمسمارك
من دون ذكر اسم يا (شكاك) = لا تعترض ! وأقطع ازرارك !؟
نعذرك لو معك (قصر إدراك) = ما تفرق اعداك من جارك
لكن ثوب الخطا يزهاك = ومنته للاخطاء متدارك
عميت عيونك بها واعماك = غيضك على موتة احوارك
غثيت نفسك وجبت أقصاك = ومالت حمولك على الحارك
ان كان بعض العرب (درباك) = ما أسرع طلوعك ! ومحدارك !!
احذر تدهورك بعض اهواك = وتضيع في ظلمة أبحارك
ما كل من جاملك وياك = بعض العرب يرفض افكارك
وانا ليا شفت ميل إخطاك = شلوطت رجلك على نارك
واذا لسانك تعدا فاك = أقطع لسانك بمنشارك

.. وسلامة القراء