فنجال حبك 🇸🇦

🔴أصمت قبل بعض الشفايف تناديك
⚫⚫⚫واقول: تايه ، تايه الرأي شانك
🔴أسمع رحول الود لا درهمت فيك
⚫⚫⚫واشوف خيل الطيب تصهل يمانك
🔴أكتب عناوينك على صفحة أرويك
⚫⚫⚫وامسح خطايا حضرتك بامتحانك
🔴أقوم لك قومة بعد حيي و فيك
⚫⚫⚫واقعد على مركأ الشموخ بمكانك
🔴أطلع ورى مركب شموخي واناديك
⚫⚫⚫وانزل تحت رجلك واقبل بنانك
🔴اعشق خفا روحك للأحباب واهديك
⚫⚫⚫شيء وانا ادري مايناسب مكانك
🔴أستشعر انفاسك لأن الدفأ فيك
⚫⚫⚫واحس أنا بك بين الأضلع تزانك
🔴أسير يمّك واحتفي في معاليك
⚫⚫⚫واجري على شوك المآسي عشانك
🔴أشاطرك بآنفاس نفسي واغبيك
⚫⚫⚫واكرع ضماك ولاارتوي من حنانك
🔴أضحك معك والنار فيني واداويك
⚫⚫⚫وابكي ولو هو ما طعني سنانك
🔴أسامر أحلامك بالأطياف واسريك
⚫⚫⚫وانساب في ذكرى تخطّي أوانك
🔴أقيم حفلات الفرح ليل طاريك
⚫⚫⚫واعزف لحون الشعر ياليل دانك
🔴أضيع قربك وارتمي في خوافيك
⚫⚫⚫واحضن غلاك اليا كرهني عوانك
🔴أرقد ولا بالقلب جنسن يساويك
⚫⚫⚫واصحي على كسب الرهان بجنانك
🔴أهيم في وادي مساويك واغليك
⚫⚫⚫وابغض بغيض النفس وآنا حصانك
🔴وأشرب انا فنجال حبك وامسيك
⚫⚫⚫وآكل على "سفرة" عظيم امتنانك
🔴أبيع كل اللي حواليك واشريك
⚫⚫⚫واشريك أنا اغلى من خلاىق زمانك
🔴وأطير انا لك جمّل الله مساعيك
⚫⚫⚫واطيح من دونك علا الرب شأنك