محاورة خالد القصاني وشاعر الشمل

اتشرف بتنسيق المحاورة التي جرت بين الشاعرين خالد القصاني وشاعر الشمل وهم شعراء
غنين عن التعريف وبصراحة اعجابي هو الدافع لتنسيقها أمل ان ينال اعجابكم التنسبق
البداية من الشاعر خالد القصاني

خالد القصاني

سلام مني وانا شاعروعندي علوم
وريد شاعر ليا شاف الهدف صايبه
ماني مخالف سواير ربعنا بالسلوم
اقف ليا جيت بالميقاف لنايبه

شاعر الشمل

يامرحبا فيك وانت اللي تسد اللـزوم
بايامـك الماضيـه وايامـك الغايبـه
لاتخالف اتصير مثل الطاير اللي يحوم
مادام زبدتك في وسط الصحن ذايبـه

خالد القصاني

دام البقاء ياعميل الخير على العموم
وسود الليالي ماندري ويش هي جايبه
انا اتمشى على كيفي وعرف الوسوم
وطلق شنب لا لزمته ماني بهايبه

شاعر الشمل

انته من اي القبائل يا وسيع الكموم
ان كان عزوتك ماهي عزوة ٍ عايبه
انته تمشى على كيفك وربك رحوم
ايغيث قاع الوهن والخادر الرايبه

خالد القصاني

ياشاعر الشمل يلي كاسيتك الشحوم
انا من اهل الوفاء والعزوه اطايبه
وصقر معروف والا البوم يصاح بوم
وكلمتك هاذي تراها خايبه خايبه

شاعر الشمل

اهل الوفاء سمهم باسماء الرجال القروم
مافيه داعـي تخفـي لحيـة ٍ شايبـه
الكلمه اللي ماتقدر في بحرهـا تعـوم
لاتذمنـي فمعناهـا لاحبتـك حايـبـه

خالد القصاني

ياشاعر الشمل ماشفناك بين النجوم
خل الحركات هاذي بالبلد سايبه
لاتقول انا عيد ابن مربح دفاع وهجوم
اللي مع الناس معروفن ولد شايبه

شاعر الشمل

الظاهر انك من اللي يردعون الوشوم
مادام كل البعارين الهمل سايبه
لو ماني ابعيد انا مثله سحاب وغيوم
اشق صدر الحنش واذبحلك( النايبه)

خالد القصاني

انا ولد مظبر وقصان من روس قوم
ياشايب اللي علومه تزعل صحايبه
الله يسامحك انا ماقول غير مخدوم
والمعرفه بيننا ياصا حبي دايبه

آمل ان ينال التنسيق القبول من الجميع وتحيتتتتتتتتتتي

بيض الله وجهك يابو عبيد على التنسيق

تقبل مروري

اقتباس:
المشاركة الأصلية كتبت بواسطة وليد البراك
بيض الله وجهك يابو عبيد على التنسيق

تقبل مروري



ووجهك ابيض اخوي وليد البراك
شرفني مرورك على المشاركة
تحياتتتتتتتتتي

بيض الله وجهك ابو عبيد على هذا التنسيق لمحاوره التي جرت بيني وبين شاعر الشمل

وهو شاعر كبير وكان لي الشرف في العب معه وعجابك هذا محل تقدير وفخر لي
ووسام على صدري اشكرك ابوعبي جزيل الشكر وشكر الشاعر الكبير شاعر الشمل

اقتباس:
المشاركة الأصلية كتبت بواسطة خالد القصاني
بيض الله وجهك ابو عبيد على هذا التنسيق لمحاوره التي جرت بيني وبين شاعر الشمل

وهو شاعر كبير وكان لي الشرف في العب معه وعجابك هذا محل تقدير وفخر لي
ووسام على صدري اشكرك ابوعبي جزيل الشكر وشكر الشاعر الكبير شاعر الشمل



ووجهك ابيض اخوي الشاعر خاد القصاني
كذلك انا يشرفني تنسيق محاورة لشاعرين يحملا مكانت شاعر الشمل وكذلك الشاعر خالد الفصاني
ولاشكر على واجب ياشاعرنا خالد القصاني
تقبل تحيات وود أخوك ابو عبيد

بيض الله وجهك يابوعبيد على التنسيق
لهذه المحاورة بين الشاعرين الكبيرين
تقبل تحياتي ومروري ،،،

اقتباس:
المشاركة الأصلية كتبت بواسطة سفيرالاحزان
بيض الله وجهك يابوعبيد على التنسيق
لهذه المحاورة بين الشاعرين الكبيرين
تقبل تحياتي ومروري ،،،

مشكور سفير الاحزان وبعد الله الحزن عن الجميع عزالله قابلت شاعر كبير وهو شاعر الشمل