بكره الجمعه

ياهل الشعر بالله لدو بالانظار = نبى بالمعاني فوق راس المنيفه

اللي خرب من دهر لوجاه عطار = ماهو بصالح لوتزايد رجيفه

حياك الله ياصقر مطير تنتظر احد والاارد عليك ودي العب معك اذا ماعندك مانع

ابقاك الله يالواصل المجال مفتوح تقدر ترد

يامرحبا ياشاعر ن عند شعار = والياصدق قوله فاانا اقول كيفه

صحيح لوالعلم ماجا بالاخبار = وانا معك كان النوايا نضيفه

الصوره اللي علقت جنب الانوار = علام صاحبها بليا وضيفه
وانا حسبت انه من طوال الاعمار = واثره معنى بالسنين الكليفه

الصوره اللي جابتك غصب ياجار = تبى تلزق لان نفسك ضعيفه

وان كنت ماتعرف هل الطيب والكار = ماهو بذنبي يابونفس خفيفه

حنا بدو نبحث عن ديار الامطار = مانخاشر الشاوي بلقمة رغيفه

ليه الغضب يعميك في بعض الامرار = اثر الجروح كبار ماهي طفيفه

اللي يذم اهل الوفا من ورى جدار = معروف ن اسمه والنشامى تعيفه

انا ماحب انم واذم واختار = درب الهدى واحفظ لنفس ن شريفه

صقر مطير تشرفت باللعب معك طال عمرك الوقت تاخر وتصبح على خير

صقر والواصل من الشعرا المميزين
تقبلو مروري وتقديري