[poem=font="simplified arabic,6,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
سكون الليل
لي وقت ماجاني من اغلى الناس مرسول وخبر=ورسايلي تبقى ثـــــــلاث ايام قيد الانتـــظار
وين انت يالي بعدك عيوني مطـاولها الســـــهر=وصوتك يحليلي سكون الليل من بعدالنــهار
ابتصبر عنك لكن عنك ماعندي صــــــــــــبر=تبقى الحقيقه ماحـــد يعوض غيابك باختصار
شوفك ربيع القلب يالمحبوب وغيابك دهـــــر=ومقبول عذرك يالطيف الــروح قبل الاعتذار
ياواحدن في وسط قلبي غـــير عن كل البشر=الله عطــاك من الغلا والله عطــاك القلب دار
مابيك صاحب يوم ابيك تصير محبوب العمر=وابيك تحسب لي وانااحسبلك على طول اعتبار
يالغالي الي غير عن بيض العذارى والسمر=القــــرب منك جنة الدنيا وبعدن عنك نــــــار
بينت لك مافاض من شوقي وصخرت الشعر= وكتبت لعيونك قصيدً صار للعاشق شعـــــار
هذا وانا لي وقت ماجاني منك علم وخبر= والله يعلم ويش يحصل لو يطول الانتـــــــظار[/poem]
حاصل على ترخيص من وزارة الثقافه والاعلام السعودي
سكون الليل... جديد العاقل1
العرض الشجري