البارحه مابين حرش التجاريب

اسعد الله اوقاتكم بكل خير
نقدم لكم هذه المتواضعه👇🏼

البارحه مابين حرش التجاريب
قمت اتفكر باسنين الجديده
وأقلّب بصفحات بيض المكاتيب
وطوي شريط الذاكره واستعيده

اشوف بعض العيب مايعتبر عيب
وكثر المهايط للمهايط يفيده

ومجالسً مافيها ذرة مواجيب
تقنع اليا شفت القعيد وقعيد

دنيا غريبه شفت فيها التعاجيب
أب الأسد شفت الثعالب تصيده

ينجح بها الثعلب ويرسب بها الذئب
وأصبح ابو وجهين شيخ ووليده

اليا قل مالك فيك كل العذاريب
واليا كثر فيك الصفات الحميده

دنيا تزود شيب راسك بعد شيب
هذا القليل من الأمور العديده